Шетел тілі сабағында ойын элементтерінің маңызы.

Жаңа педагогикалық технология - бұл әрбір сабақта
пайдаланылатын өте қажетті және сол тақырыпты оқушыға жеткізудің,
түсіндірудің мұғалім тарапынан ең тиімді тәсілі. Қазіргі кезде білім беру
үрдісінде 50-ден астам жаңа педагогикалық технологиялар қолданылады
екен. Шетел тілін оқытуда әр сабақ процесінде немесе сабақтан тыс
жұмыстарда ойындарды пайдаланудың әдістемелік маңызы зор. Ойын
балалар үшін әр уақытта ойын болғандықтан ойын элементтері бар сабақ
оларды қызықтырады. Ал мұғалім үшін ойын- дидактикалық әдіс, оқыту, білім
беру. Ойынның мақсаты- бағдарламада алған білімдерін қалыптастыру,
тиянақтау, толықтау. Ойын арқылы оқушылар өздерін еркін ұстап, нашар
оқитын оқушының өзі белсенділік көрсетеді. Ойын баланың көңілін өсіріп ,
ойын сергітіп қана қоймай, оның таным түсінігн де арттырады. Ойын арқылы
балалар бір-бірімен тез тіл табысады, бір-бірінен ептілікті, сергектікті,
тапқырлықты үйренеді.
Шет тілі сабағында оқушылардың жас ерекшелік психологиясын, ойынның
дидактикалық ерекшеліктерін ескере отырып ойын элементтерін сабақта
пайдаланған жөн. Сонда ғана сабақ тартымды, жеңіл әрі оқушыларды
жалықтырмайды. Шетел тілі сабағында дұрыс ұйымдастырылып,
пайдаланылған ойындар оқушылардың таным-түйсігіне жағымды әсер етіп,
алған білімдерін жаңа жағдайларда шығармашылықпен қолдана алуына
ықпал етеді. Мен өз сабағымда грамматикалық тақырыптарды түсіндіргенде
төмендегі грамматикалық ойындарды жиі пайдаланамын.