Қазақша оқушыға мінездеме үлгісі / Образец характеристика ученика на казахском

Оқушыға мінездеме

Венера, осы мектепте 1 – сыныптан бастап оқиды. Венераның мінезі ашық, жүрегі кең – пейілді оқушы деуге болады. Венера 1 сыныптан бастап оқу екпіндісі болып келеді. А. Венера мектепте оқып жүрген уақыт ішінде өзін жақсы жағынан көрсете білді. Өзіне берілген тапсырмаларды тиянақты орындайды, мектепте өтетін іс – шараларға белсене араласады, берілген қоғамдық жұмыстарға жауаптылықпен қарайды. Сынып ішінде, оқушылар арасында беделді, өзінің білімімен жан-жақты оқушы екенін көрсетіп, кішілерге қамқор көрсетіп, үлкендерге құрмет көрсетеді. Венера әдеби кітаптар оқығанды ұнатады, үйінде ата – анасына үй шаруасы жұмыстарын жасауға көмектеседі. Сынып жетекшісі: Д. С. Кусаинова Ақсай қаласы № 5 жалпы орта білім беретін мектебінің ** «ғ» сынып оқушысы

Оқушыға мінездеме

Тегі Аты Әкесінің аты **** жылдың ** айында дүниеге келді. Аты осы мектепте 1 сыныптан бастап оқиды. Ол сабырлы, мейірімі мол, сыныптастарының арасында беделі бар оқушы. Мектеп шараларына белсенді қатысып қана қоймай, мектеп өміріне жауапкершілікпен қарайды. [aты] сынып старостасы. Сынып ішінде туып жатқан қиындықтарды, сынып жетекшісімен бірге шешім қабылдауға көмегін тигізеді. Сонымен қатар, ол әрбір спорттық шараларға қатысып қана қоймай сурет салғанды ұнатады. [aты] толық отбасында тәрбиеленеді, ол ата – анасына үй шаруасымен көмектеседі. Жалпы, [aты] сырлы мінез, сыныптастары мен мұғалімдердің құрметіне бөленіп жүрген оқушы. Оқу барысында, білім деңгейі көрсеткіші орташа болса да, бұл оқушының жалпы білім деңгейі жоғары, себебі [aты] көп кітап оқығанды ұнатады, өз білімін жан – жақты жетілдіреді.

(тегі, аты, әкеснің аты)-на

(тегі, аты, әкесінің аты ... қараша ... жылы туылған, ұлты қазақ, ҚР азаматы. 20... жылы ҚР Шымкент қаласы ... жалпы орта білім беретін мектебін жалпы орта білім курсы бойынша бітіріп шықты. Толық, көпбалалы отбасында тәрбиеленген. Әлеуметтік жағдайы жақсы. (аты) мектепте білім алған жылдары өзін жақсы жағынан көрсете білді. Білімі жақсы. Сабақтардан себепсіз қалмайтын, қоғамдық бағыттағы пәндерге, әсіресе тарих, әдебиет пәндеріне қызығушылығы жоғары. Өзіне тапсырылған істерді жоғары жауапкершілікпен атқаратын. Мектепте өткізілген мәдени және тәрбиелік іс-шараларға белсене қатысты. Көбіне іс-шаралардың жүргізушісі міндетін атқаратын. Сынып сағаттарында жасаған баяндамалары мазмұндылығымен ерекшеленетін. Сыныпта спорт секторы қызметін атқарған. Грек-рим күресімен айналысады. Спорттың осы түрінен әртүрлі деңгейдегі жарыстардың жеңімпазы. Ата-анасымен, бауырларымен қарым-қатынасы өзара сыйластыққа негізделген, оларға ерекше құрметпен қарайды. Сыныптағы оқушылармен де, мұғалімдермен де жақсы қарым-қатынас орната білді. Ұстаздарын сыйлайды. Мінезі ашық, ұстамды, сабырлы, толерантты, кішіпейіл. Өзге адамдармен тез тіл табысады. Қамқор, көмегі қажет болған адамдарға қол ұшын беруге даяр тұрады. Ақкөңіл, үнемі күліп, көңілді жүреді. Оның ашуланған сәттері сирек байқалады. Сыныптастарының арасында сыйлы, беделді. Мектептің ішкі ережесі талаптарын сақтайтын. Жеке тұлғалық көзқарасы қалыптасқан. Өз ойын, пікірін ашық, анық жеткізеді. Өзіндік ұстанымын дәлелдей алады. Алдына нақты мақсат қойып, оған жету үшін күресе біледі. Сыныпта туындаған қиындықтарды жеңуде дұрыс шешім қабылдайтын. Шығармашылық қиялы дамыған.
Біз, (аты)-ның ұстаздары, оның болашақта жақсы маман болатынына сенім білдіреміз.


Мектеп директоры
Сынып жетекшісі

авторы: Сагындыкова Кульпаш Тургунбековна