Қазақша сценраий: Мен патриотпын!

Тақырыбы: Тәуелсіздік, егемендік және патриотизм - біздің басты қазынамыз!

(Музыка ойнап тұрады. Әли Оқаповтың «Қазақстан» әні. Сырттан дауыс шығады)

Бүгінгі “Мен патриотпын, атты үгіт-насихат топтарының қалалық байқау-сайысында
Сәтбаев қаласы әкімдігінің “№16 жалпы орта білім беретін мектебі,, және оның “жас патриоттары,,
(Сөз оқылып жатқанда балалар ортаға шығып тұрады)

Дәурен: Барлық Сәтбаев патриоттары бізбен!
Әділет: Барлық Сәтбаев патриоттары Елбасымен!
Гүлзат: Ең алғашқы сөз-ана
Дәурен: Ең жарқын сөз-Отан
Меруерт: Ең басты сөз
Топ: Қазақстан
Топ: Біз
Гүлдана:патриотпыз
Арай:жаспыз
Нұртөре: жігерліміз

Топ: Біз
Меруерт: Қазақстан
Арсен: қуаттымыз
Топ: біргеміз!

Дәурен: Ұранымыз!
Топ:Патриотпыз елімізді сүйетін
Отан үшін отқа да ыстық күйетін.
(осы кезде қолдарындағы жазуды көтереді. ПАТРИОТ деген сөз шығады)
Арай: Біз-қашаннан ер,қаһарман халықпыз
Аяулым: Біз-тарихта теңдесі жоқ алыппыз
Меруерт: Біз-күштіміз күштілердің бәрінен
Гүлдана: Біз-сөнбейтін күн тәрізді жарықпыз!
Топ: Біз кімбіз?
Нұртөре: Біз- бақытты, ғаламтор жүйесіне қол жеткізген білімге құштар жастармыз.
Ернұр: Біз-ертеңгі күні ел үшін әр салада еңбек ететін еңбекқор жастармыз.
Дәурен: Біз-сан мамандықты игеретін мамандық иелеріміз
Арсен: Біз-тәуелсіздік тірегіміз!

Гүлзат: Құтты болсын тәуелсіздік мейрамы!
Ол әркімге еркін өмір сыйлады.
Білімділер алға шығып елімде,
Жақсы атақпен нұр шапағын жинады.

Нұртөре: Асыл елім бүгінгі Ақ Ордасы бар,
Айбынды елім қаһарман Елбасы бар
Жолбасшы елмін жыл сайын Елбасының
Жолдауымен қамданып жолға шығар

Аяулым: Айналайын асыл ел,алтын халық
Айқын мақсат алдында, айқын бағыт
Әлемдегі үздік ел етемін деп
Елбасың жүр алдында жарқыл қағып

Әділет: Елбасы-төбеңдегі бақ жұлдызын,
Қаратты өз аузына жердің жүзін
Сұңғыла саясатпен сара тіліп
Ерітті тарихтағы тоңның мұзын

Гүлдана: Секірді заңғардағы тау барысы
Нұрсұлтан-ел тірегі, ел намысы
Адамның бұл өмірде арманы жоқ
Халқының бола берсе қорғанышы

Дәурен: Жерұйығым, Жампозымды жыр етем ,
Аты да оның,заты да оның нұр екен
Темірқазық адастырмас алашты,
Дана басшы, дара басшы-Нұрекең!
Арай: Нұрсұлтан Әбішұлы Назарбаев тек Елбасы ғана емес, ол-білгір саясаткер!
Нұртөре: Ол-қоғам қайраткері
Аяулым: Ол-нағыз патриот
Ернұр: Ол-дарынды адам!

Гүлдана: 2012 жылы-«1 желтоқсан – Қазақстан Республикасының тұңғыш президенті күні» болып жарияланды!
Арай: Біздің президент еліміздің болашағын жастармен байланыстырады.
Әділет: Біз Елбасымыздың идеяларын ілгері бастыратын жастармыз!
Топ: Біз Елбасымызды мақтан тұтамыз!
Аяулым: Бұл дүниеде біздің бір ғана Отанымыз бар, ол-Тәуелсіз Қазақстан!
Ернұр: Тәуелсіздік-ең алдымен қазақ халқының бостандыққа ұмтылған асқақ арманы мен қайсар рухының жемісі!
Меруерт: Тәуелсіз болу дегеніміз-ешкімге бағынышты болмай, өз еркімен өмір сүру деген сөз.
Арсен: Елбасы «Нұрлы жол-болашаққа бастар жол» атты биылғы жолдауында 2015 жылды-Қазақстан Республикасы Ассамблеясы жылы деп жариялады.
Дәурен: 2015жылы -Біз қазақ хандығының 550 жылдығын;
Гүлзат: Қазақстан Республикасы Конституциясының және Қазақстан Республикасы Ассамблеясының 20 жылдығын;
Әділет: және Ұлы Жеңістің 70 жылдығын атап өтетін боламыз!
Арсен: Осы тарихи мерейтойлардың өз деңгейінде аталып өтілуіне мен өз үлесімді қосамын.
Гүлзат: Сен өз үлесіңді қос!
Топ: Біз өз үлесімізді қосамыз!
Ернұр: Себебі: менің Отаным,
Гүлдана: Сенің Отаның,
Аяулым: Біздің Отанымыз-
Топ: Қазақстан!
Нұртөре: Қазақстан күн санап өсіп-өркеңдеуде! Ал, 2050 жылы біз қандай боламыз?
Меруерт: Егер біз күшті болсақ, бізбен санасатын болады
Нұртөре: Біз болашаққа көз тігіп, тәуелсіз елімізді «Мәңгілік Ел» етеміз,
Гүлзат:Тәуелсіз елді өз қолымен құрған аға буыннан басталған ұлы істерді кейінгі ұрпақтың біздің лайықты жалғастыратынымызға кәміл сендіреміз.
Дәурен: Мемлекетіміз біздің оқуымыз бен өсіп өнулеріміз үшін барлық жағдайды жасауда.
Ернұр: Болашақтың Қазақстанын біз былай елестетеміз?
Әділет: Ол кезде біз қамал бұзар қырықтың қырқасына шығады екенбіз.
Арай: Бәріміздің де отбасы, балаларымыз бар,еліміз үшін еңбек етеміз.
Сол кезде 2050 жылғы қазақстандықтар, яғни біздер:
Меруерт: Үш тілде сөйлейтін білімді, еркін адамдар қгоғамы боламыз
Әділет: Біздер-әлемнің азаматтарымыз, саяхаттап жүреміз
Гүлзат: Жаңа білім меңгеруге құштармыз,біздер еңбексүйгішпіз
Гүлдана: 2050 жылғы Қазақстан-жалпыға ортақ еңбек қоғамы.
Ол-барлығы да адам игілігі үшін жасалатын, экономикасы мықты мемлекет.
Арсен: Білім беру, денсаулық сақтау саласы да үздік.
Бейбітшілік пен тыныштық салтанат құрған.
Әділет: Азаматтары еркін және тең құқықты, ал билігі әділ, онда заң үстемдік етеді.
Дәурен: Қазақ тілі жаппай қолданыс тіліне айналып шын мәніндегі мемелекеттік тіл мәртебесіне көтеріліп, елімізді «Қазақстан мемлекеті» деп атайтын боламыз.
Топ: Олай болса біз!
Меруерт: ХХІ ғасыр- Қазақстанның «Алтын ғасыры» боларына сенеміз.
Ернұр: Бұл бейбітшіліктің, тұрақтылық пен гүлденудің ғасыры болады.
Аяулым: Қазақстан халқы ұлы тарихтың иесі атанады
Арсен: Біз көздеген мақсатымызға міндетті түрде жетеміз!
Гүлзат: Көк байрақтын астында күн сөнгенше
Топ: сөнбейміз,
Гүлзат: Егемендігімізді ешкімге де
Топ: бермейміз!

Ән «Қазақстан»

Соңы