Хабарландыру! Әлеуметтік желі белсенділерінің назарына!

Қазақстан Республикасы Президенті мен Үкіметінің, облыс әкімдігінің әлеуметтік-экономикалық бағдарламасын жүзеге асыру жұмыстарын әлеуметтік желіде жан-жақты жариялап ең көп репост жинаған үздік жарияланым номинациясы
бойынша конкурстың
ЕРЕЖЕСІ
1. Конкурсты ұйымдастырушы
Оңтүстік Қазақстан облысы ішкі саясат және дін істері басқармасы.
2. Жалпы ереже
Конкурсқа әлеуметтік желінің белсенді блогерлері мен ақпараттық сайттардың жетекшілері қатыса алады.
Әр номенацияда бір жүлдегер болады және конкурстың қотындысы әлеуметтік желіде жарияланады.

3. Конкурстың мақсаты
Мемлекеттік ақпараттық саясатты әлеуметтік желіде кеңінен насихаттау және облыстың әлеуметтік-экономикалық даму барысын, түрлі салалардағы жетістіктері туралы әлеуметтік желіде оң имиджді материалдар жариялау болып табылады.
4. Конкурсты өткізу тәртібі:
Арнайы қазылар алқасы үміткерлердің өз парақшасында облыстың әлеуметтік-экономикалық даму серпінін және басқада салалардағы облыстың жетістіктерін жарияланған материалдардың ішінен ең көп «LIKE» жинаған үміткерлер тізімін және ең көп «REPOST» жинаған үміткерді арнайы коммисия мүшелері анықтап қазылар мүшелерінің көпшілік даусымен анықталады.
5. Конкурсты өткізу талаптары:
1. Конкурсқа қатысу үшін үміткер арнайы анкетаны толтырып blogger.uko@gmail.com почтасына жіберуі тиіс.
2. Конкурсқа қатысушы үміткердің кемінде 500 оқырманы болуы тиіс.
3. Барлық жарияланылатын материалдар облыс әкімдігінің сайтынан алынып, сайтқа сілтеме көрсетілуі тиіс .
4. Блог конкурстың тақырыбына сай болуы тиіс.
5. ҚР «Авторлық құқық» заңының сақталуы тиіс, егерде үміткер заңды бұзған жағдайда, автоматты түрде конкурстан шеттетіледі.
6. Қазылар алқасы жеңімпазды екі критери бойынша анықтайды, *ең көп лайк «LIKE» жинаған пост және ең көп таралған пост «REPOST».
7. Жарияланған постта мультимедиалық контент бар болуы тиіс.
8. Конкурстың жеңімпазын анықтар кезде, үміткер жарияланған материалдар санын және оларға сілтемелері, сондай-ақ, «REPOST» жасаған желі қолданушыларының тізімін анкетеға сәйкес ұсынуы тиіс.
6. Қазақстан Республикасы Президенті мен Үкіметінің, облыс әкімдігінің әлеуметтік-экономикалық бағдарламасын жүзеге асыру жұмыстарын әлеуметтік желіде жан-жақты жариялап ең көп репост жинаған үздік жарияланым номинациясы
бойынша марапатталады:
«ПОСТ» номинациясы - 500 000 теңге;
«LIKE» номинациясы - 300 000 теңге;
«REPOST» номинациясы - 150 000 теңге.
7. Конкурсқа қатысу өтінімдері ережеге сәйкес ұсынылады.
Конкурсқа 2015 жылғы 26 қазан мен 26 қараша аралығында жарияланған материалдар қабылданады.
Салтанатты марапаттау рәсімі 2015 жылдың 16 желтоқсанында ұйымдастырылады.
8. Барлық өтінімдер көрсетілген мерзімге сәйкес келесі адресатқа ұсынылуы тиіс: Шымкент қ., «Нурсат» м/а, әкімшілік іскерлік орталық, ОҚО ішкі саясат және дін істері басқармасы, 409 кабинет, тел:247548, 87752252584.