Период және топ бойынша қосылыстардың тотықтырғыш-тотықсыздандырғыш қасиеттерінің өзгеру заңдылығы (Химия, 10 сынып, I тоқсан)

Пән: Химия
Ұзақ мерзімді жоспар бөлімі: Периодтылық
Сабақтың тақырыбы: Период және топ бойынша қосылыстардың тотықтырғыш-тотықсыздандырғыш қасиеттерінің өзгеру заңдылығы
Осы сабақта қол жеткізілетін оқыту мақсаттары: 10.2.1.3 элементтер мен олардың қосылыстарының қасиеттерінің топ және период бойынша өзгеру заңдылығын түсіндіру
10.2.1.4 химиялық элемент және олардың периодтық жүйеде орналасуына байланысты қасиеттерінің өзгеруін болжау
Сабақ мақсаттары: Период және топ бойынша элементтердің атом радиусы және металдық, бейметалдық қасиеттерінің өзгерісін қайталау
Период топ бойынша элементтердің тотықтырғыш және тотықсыздандырғыш қасиеттерінің өзгерін сипаттау, өзгеру себебін түсіндіру
16 топ элементтерінің қасиеттерінің өзгеруін болжау.

Ұйымдастыру сәті. Сабақтың тақырыбы мен мақсатын ашу үшін презентацияда суреттер көрсетіледі. Сабақтың тақырыбы мен мақсаты оқушылармен талқыланады.

«Ой қозғау»
Өткен сабақпен байланысы оқушылардан элементтердің қышқылдық, негіздік қасиеттердің қалай өзгеретіні сұрау. Қышқылдық негіздік қасиеттердің өзгеруі неге негізделетінін сұрау. Период және топ бойынша элементтердің металдық және бейметалдық қасиеттерінің өзгеруінің себебі неде? Атом радиусы период және топ бойынша қалай өзгереді?

Оқушылармен осы сұрақтарды талқылап, жаңа сабаққа көшу.

Атом радиусының өзгеруі тағы элементтердің қандай қасиетіне әсер етеді? Қайдай элементтер электрон беруге бейім келеді? (Металдар)
Металдардың электрон беріп жіберуін немен түсіндіруге болады? (атом радиусымен)
Электрон берген атом қандай бөлшекке айналып, қандай қасиет көрсетеді? (катион, тотықсыздандырғыш)
Қандай элементтер тотықтырғыш бола алады?

Ресурспен жұмыс. Жұптық жұмыс.
Алдын-ала берілген кестеге оқушылар: а) период бойынша тотықтырғыш және бейметалдық; б) период бойынша тотықсыздандырғыш және металдық; в) топ бойынша тотықсыздандырғыш және металдық қасиеттерінің өзгеруін бағдарша арқылыкөрсетеді.
Тақтада дұрыс нұсқасы көрсетіліп, жауаптарын салыстырып, өзін-өзі бағалайды.

Мұғалім кері байланыс береді.
(Барлық оқушылардың:
период бойынша солдан оңға қарай элементтердің бейметалдық қасиеттерінің артатындығын
олардың қосылыстарының қышққылдық қасиеті күшейетіндігін дұрыс түсінгеніне көз жеткізіңіз)

Сабақ мақсатына қайта оралу......