Металдардың оттекпен және сумен әрекеттесуі. «Белсенді металдардың салқын және ыстық сумен әрекеттесуі» (Химия, 8 сынып, I тоқсан)

Пән: Химия
Ұзақ мерзімді жоспар бөлімі: Металдардың белсенділігін салыстыру
Сабақ тақырыбы: Металдардың оттекпен және сумен әрекеттесуі. «Белсенді металдардың салқын және ыстық сумен әрекеттесуі»
Осы сабақта қол жеткізілетін оқу мақсаттары (оқу бағдарламасына сілтеме): 8.2.4.1 -кейбір металдар басқаларға қарағанда тотығуға тезірек ұшырайтындығын білу;
8.2.4.2 -белсенді металдардың салқын сумен, ыстық су немесе бумен әрекеттесуін сипаттау;
8.2.4.3 -металдар коррозиясын туындатуға әсер ететін жағдайларды зерттеу;
Сабақ мақсаттары: • Коррозия анықтамасын еске түсіру және оларға әсер ететін факторлармен танысу;
• Шегенің әр түрлі ерітінділерде коррозияға ұшырауын зерттеу;
• Өте белсенді металдармен танысу;
• Белсенді металдардың сумен реакциясын тәжірибе арқылы бақылап, оны анализ жасай алу;
• Металдардың сумен әрекеттесуінің реакция теңдеулерін жазу;

Сыныпты ұйымдастыру
Сабақ басында:
Оқушылармен амандасу, түгелдеу.
Жаңа сабақтың тақырыбы және мақсаттары айтылады.

«Миға шабуыл»
Мақсаты: 7-сыныпта өтілген коррозия ұғымын еске түсіру.
Оқушыларға 7.4A-бөлімнен коррозия туралы білімдерін тексеру үшін презентациядан суреттер көрсетіледі.
Оқушылардың берілген суретті талдауын бақылап, қажет жағдайда қолдау көрсетіліп отырады.
Оқушылар берілген суреттерді сипаттап, коррозияға анықтама береді.
Оқушылардың берген сипаттамалары бойынша кері байланыс беріліп қателіктер айтылып жөнделеді.
Сосын оқуушылар эмодзилер арқылы бірін- бірі бағалайды.
Топтық жұмыс
Мақсаты: металдардың қоршаған ортаның жағдайларына байланысты коррозияға әртүрлі жылдамдықта ұшырайтынын білу;
Оқушыларды топқа бөліп, оқушыларға жұмыстың нұсқаулығы таратылып, №2 Сарамандық жұмыс орындалады.
Жұмыстың барысы:
Бес сынауыққа 1/4 көлемде құйыңыз:
1. дистилденген су
2. құбыр суы
3. 10% натрий хлориді ерітіндісі
4. 10% магний хлориді ерітіндісі
5. 10% натрий гидроксиді ертіндісі
Әрбір сынауыққа бір уақытта бір темір шегеден салыңыз.
Тәжірибе нәтижесін келесі сабаққа қалдырамыз.
Тәжірибе нәтижесін келесі сабақта оқушылармен талқыланады және кері байланыс беріледі.

Бағалау дескрипторлары:
• Коррозия анықтамасын еске түсіреді;
• Коррозияға әсер ететін факторлармен танысады;
• Шегенің әр түрлі ерітінділерде коррозияға ұшырауын зерттейді;
• Әр түрлі ерітіндіде шегенің коррозияға ұшырауын қорытындылай алады.
Сыныппен жұмыс
Тапсырма сипаты: Презентация арқылы коррозияға анықтама беріледі. Металдардың белсенділік қатарын пайдалана отырып, коррозияға төзімді және коррозияға тез түсетін металдармен таныстырылады. Коррозияның болуына әсер ететін факторлар.
Коррозияның анықтамасы презентация арқылы көрсетіледі және коррозияға тез және баяу түсетін металдармен таныстырылады. Кейін коррозияға әсер ететін факторларды айтылады.
Оқушынлар анықтаманы дәптерлдеріне жазады және металдардың белсенділік қатарымен танысады.
Оқушылармен кейбір металдардың басқа металдарға қарағанда жемірілуге төзімді екендігі туралы талқыланады және кері байланыс беріледі.

Мұғалім көрсетілімі
№2 көрсетілім «Белсенді металдардың сумен рекциясы»
Мақсаты: Өте белсенді металдардың салқын сумен реакциясын зерттеу;
Ең белсенді металдар таңдалады (натрий, калий). Суық сумен реакциясы көрсетіледі. Оқушылардан пайда болған ерітінділердің pH сутекті көрсеткіші туралы сұралады, олар ерітіндінің сілтілі болатыны туралы білуі тиіс. Оларды тексеріп, олардың сілітілік екендігін дәлелденеді.
Тәжірибені бастамас бұрын оқушыларға қауіпсіздік ережесі айтылады. Өте белсенді натрий және калий металдарының сумен реакциясын демонстарция арқылы көрсетіледі. Көрсету барысында сұрақтар қойылады. Оқушылардан пайда болған ерітінділердің pH сутекті көрсеткіші туралы сұралады.
Оқушылар көрсетілген тәжірибені көреді және мұғалім қойған сұраққа жауап береді. Оқушылар жасалған жұмыстардың реакция теңдеулерін дәптерлеріне жазады.
Оқушылардың дәптерлеріне жазылған теңдеулері тексеріледі және кері баайланыс беріледі.
Тез дұрыс жазған оқушылар мадақтау сөздері арқылы бағаланады.

Сыныппен жұмыс
Мақсаты: Өте белсенді металдардың сумен реакциясын видео арқылы көрсету
Оқушыларға сілтілік металдардың сумен реакциясын видео арқылы көрсетіледі. Кейін оқушылар сол металдардың реакция теңдеулерін жазады.
Видео көргеннен кейін талқылау жасады. Оқушылар видеода көрсетілген реакциялардың теңдеулерін жазады.
Видеодан көрген тәжірибелерге байланысты тапсырма парақтары таратылып, орындалады. Оқушылардың тапсырма парағына жазылған теңдеулері тексеріліп, келесі сабақта қателіктері айтылады. ......