Асқорыту жүйесі. Тістер 1-сабақ (Биология, 8 сынып, I тоқсан)

Пән: Биология
Ұзақ мерзімді жоспар бөлімі: Қоректену
Сабақтың тақырыбы: Асқорыту жүйесі. Тістер 1-сабақ
Осы сабақ арқылы жүзеге асырылатын оқу мақсаттары: 8.1.2.2 Тістердің құрылысы, әртүрлі типтері мен қызметтері арасындағы байланысты және тісті күту ережелерін сипаттау.
8.1.2.3 Адамның ас қорыту жүйесінің құрылысы мен қызметтері арасындағы өзара байланысты анықтау
Сабақтың мақсаттары: Тістің құрылысы, типтері мен қызметтері арасындағы байланысты ажырату;
Тісті күту ережелерін ұсыну;
Асқорыту мүшелері құрылысының қызметімен байланысын түсіндіру.

Тақырыптың өзектілігін ашу үшін «Ақиқат, жалған» тапсырмасы орындалады. Оқушылардың жануарлардың қоректену типтері және қоректік заттар туралы, асқорыту жүйелерінің құрылысы туралы білімдерін еске түсіре отырып, адамның асқорыту жүйесінің өздеріне таныс мүшелерінің құрылысы мен қызметі арасындағы байланыс орнатылады. Осы талқылау арқылы сабақтың тақырыбы ашылады.
Оқушылармен бұл жүйе туралы нені білу қажет деп талқылай отырып, сабақтың мақсаттарын бірге анықтап, бағалау критерийлері таныстырылады.

Оқушылар жеке жұмыс жасайды. Оқушылар ресурстарды өз қалаулары бойныша таңдап алады. Кейбір оқушылар ақпараттық парақтармен, қалғандары мүмкін болған жағдайда видеоматериалдармен жұмыс жасайды.

Оқушыларға түрлі ресурстардың көмегімен тістің түрлері, тістің құрылысы, тіс түрлерінің атқаратын қызметі, тістің күтімі, ауыз қуысы, жұтқыншақ, өңеш, асқазан, ұлтабар, аш ішек, тоқ ішек, тік ішек, бауыр, ұйқы безі, сілекей бездерінің қызметтерін рөлдік ойын түрінде сипаттау тапсырмасы ұсынылады. Ол үшін оқушыларға қима қағазда тапсырмалар ұсынылады. Оқушылардың әрқайсысы бір қима қағаздағы тапсырманы таңдап алып, жауап беруге дайындалады.

Қималардағы нөмірлер бойынша ретпен жауаптар тыңдалады. Қалған оқушылар өздеріне қажет ақпаратты жазып алады, сұрақтар қояды.
Саралау тапсырмасы ретінде кейбір оқушыларға адам денесінің моделінде асқорыту мүшелерін көрсетіп, әрқайсысының қызметін атау тапсырмасы ұсынылады.
Оқушыларға тапсырмаларды орындау ұсынылады.........