Жарықтың шағылуы деген не? 1-сабақ (Жаратылыстану, 3 сынып, IV тоқсан)

Пән: Жаратылыстану
Ұзақ мерзімді жоспар бөлімі: Табиғат физикасы. Жарық, дыбыс, электрлік, магниттілік.
Сабақтың тақырыбы: Жарықтың шағылуы деген не? 1-сабақ
Оқу мақсаты: 3.5.2.2 денелердің жарықты шағылдыру қасиетін түсіндіру;
Сабақтың мақсаты: Барлық оқушы: жарықтың шағылуы деген ұғымды түсінеді, беті айнадай тегіс денелердің жарықты қалай шағылдыратынын біледі
Оқушылардың көбі: жарықтың шағылуын адам қалай пайдаланатынын түсінеді
Оқушылардың кейбірі:
жарықтың шағылуын тағы қалай пайдалануға болатынына мысал келтіреді.

Бөлімге кіріспе.
- Төменгі сыныпта «Табиғат физикасы» бөлімінен қандай ұғымдармен танысып едік?
- Жарық, дыбыс, жылу, электр туралы тағы нені оқып үйренеміз деп ойлайсыңдар?
- Мына сұрақтарға жауап беріп көрейік:
1) Күн неге тұтылады?
2) Неге ара мен маса ұшу кезінде түрлі дыбыс шығарады?
3) Найзағай неге жарқылдайды?
Бұл сұрақтардың нақты жауабын осы бөлімді оқып үйрену барысында табатынын айту.
Кіріспе тапсырма.
Оқушыларды топтарға біріктіру.
1)Топтарға мөлдір және мөлдір емес
заттарды тарату (мысалы, шыныдан не саздан
жасалған құмыра, көзілдірік, шыны кесегі, су және
сүт құйылған стақандар, қатты қағаз қиындысы,
полиэтилен файл). Тапсырма:
- Заттарды топтау.
Әр топ заттарды қандай белгілеріне қарай топтағанын түсіндіреді.
(Назарды жарықты өткізеді және жарықты өткізбейтін заттарға топтаға аудару)
2) Тапсырма: айна мен ватман парағына қарап шаш тарау.
- Кім шаш тарау кезін¬де өз бейнесін көре алды?
- Неге ватман парағынан көре алмады?
Айна мен ватман парағын салыстыру.
3)Сынып бөлмесінен өз бейнесін көре алатын және бейнесі көрінбейтін заттарды табу.
Сабақтың мақсатын және тақырыбын анықтау.
Түрлі заттардың жарықты қалай шағылдыратынын
жарықтың шағылуын адам қалай пайдаланатынын
анықтау
ҚБ. Мұғалімнің ауызша кері байланысы.
Бейнесін тап.
Оқулықтағы суреттен Эврика өз бейнесін көре ала¬тын беттерді тауып атау
(Сөре, тере¬зе, мәшине, айна, шалшық, есік тұтқасы, ғимараттың сыртын қаптайтын тақташалар, жылтыр сөмке)
- Біз өз бейнемізді көре алатын заттардың қандай ортақ ерекшелігі бар? (Олар тегіс.)
Зерттеу жұмысы
Сынып бөлмесін қараңғылау. Оқушыларды топтарға біріктіру. Әр топқа ресурстар (қолшам, айна, қара түсті парақ) тарату.
Зерттеудің бірінші кезеңі: айна мен қара түсті қағаздың бейнені шағылдыра алатын/алмайтынын тексеру. Екінші кезең – тағы қандай заттардан жарық шағылатынын анықтау........