Тригонометриялық функциялардың графигі және оның қасиеттері 1-сабақ (Алгебра, 10 сынып, IV тоқсан)

Пән: Алгебра
Ұзақ мерзімді жоспар бөлімі: Тригонометриялық функциялар
Сабақ тақырыбы: Тригонометриялық функциялардың графигі және оның қасиеттері 1-сабақ
Осы сабақта қол жеткізілетін оқу мақсаты: 10.2.3.1 Тригонометриялық функциялардың анықтамасын, қасиеттерін біледі және олардың графигін салады;
Сабақ мақсаттары: Оқушылар:
- y=sinx және y=cosx функцияларының графиктерін салады және олардың қасиеттерін сипаттайды;
- y=tgx және y=сtgx функцияларының графиктерін салады және олардың қасиеттерін сипаттайды;

Оқушылармен амандасады, түгендейді. Жағымды психологиялық ахуал орнатады.
Үйге берілген тапсырма «сиқырлы қалам» стратегиясы арқылы өзін-өзі бағалаумен жүзеге асырылады.
Тригонометриялық функциялардың графиктері.
Оқушыларға сәйкес масштабты таңдай отырып, синустың бірлік шеңбердегі 00 ден 3600 бұрыштардағы мәндерін координаталық жазықтыққа ауыстыруды ұсыныңыз. Периодты ескеріп сызбаны жалғастырыңыз. Синусоида ұғымын енгізіңіз.

Осылай синус функциясының графигін көрсете отырып, функцияның төмендегі алгоритм (1-8) бойынша қасиеттерін оқушылардан сұрау арқылы тақтаға жазамыз. Жазып болғаннан кейін слайд 2 бойынша дұрыс не бұрыс екендігін тексереміз. (Егер оқушылар қате айтқан жағдайда мұғалім дұрыс жағдайын түсіндіреді)

1. Функцияның анықталу облысы;
2. Функцияның мәндерінің облысы
3. Жұп/тақтығы;
4. Периодтылығы;
5. Функцияның нөлдері;
6. Таңбатұрақтылық аралығы;
7. Өсу, кему аралығы;
8. Максимум және минимум нүктелері.
Дәл осылай косинус, тангенс және котангенс функциясының графигін салу:
Оқушыларды топтарға біріктіріңіз (3 топқа бөлеміз және әр топқа ат қоямыз). Оқушыларға функция графиктерінің қасиеттерін жазуды ұсыныңыз: 1 топ -косинус, 2 топ - тангенс, 3 топ - котангенс бойынша функцияның графиктерін салады және жоғарыдағы алгоритм (1-8) бойынша қасиеттерін жазады.
Әр топ өз шешімін ұсынады. Жауаптар талқыланады және толықтырылады.( слайд 3,4,5)

Әр топтан бір оқушыдан шығып, Джигсо әдісі бойынша өзге екі топқа барып өз тақырыптарын түсіндіреді, сұрақтарға жауап береді.......