№ 1 зертханалық жұмыс «Шынының сыну көрсеткішін анықтау» 2-сабақ (Физика, 8 сынып, IV тоқсан)

Пән: Физика
Ұзақ мерзімді жоспар бөлімі: Жарық құбылыстары
Сабақтың тақырыбы: № 1 зертханалық жұмыс «Шынының сыну көрсеткішін анықтау» 2-сабақ
Осы сабақта қол жеткізілетін оқу мақсаттары (оқу бағдарламасына сілтеме): 8.5.1.9–экспериментте шынының сыну көрсеткішін анықтау;
8.5.1.10– сыну көрсеткішінің анықталған мәнін кестелік мәндермен салыстыру және эксперимент нәтижесін бағалау.
Сабақ мақсаттары: Оқушылар білуі тиіс:
• жарықтың сыну құбылысын түсіну, қолдану дағдыларын дамыту;
• жазық параллель пластинаның көмегімен шынының сыну көрсеткішін анықтаудағдыларын дамыту;
• сыну көрсеткішінің анықталған мәнін кестелік мәндерімен салыстыру және эксперимент нәтижесін бағалай білуі тиіс.
• физика кабинетінде қауіпсіздік ережелерін білу және сақтау.

1.Оқушылар өткен теориялық материалды еске түсіру үшін сұрақтарға жауап береді.
a) Сыну заңын тұжырымда
b) Жазық параллель пластинадағы сәленің жолдарын көрсетіңдер
c) Түсу бұрышы мен сыну бұрышы арасында қандай тәуелділік бар?
Оқушылардың жауабына кері байланыс жасай отырып, мұғалім оқушыларды бүгінгі сабақтың мақсатымен таныстырады
2. Оқушылар жұппен зертханалық жұмыс орындайды. «Шынының сыну көрсеткішін анықтау».
Жұмыстың мақсаты: жазық параллель пластинаның көмегімен шынының сыну көрсеткішін анықтау.
Жұмыстың барысы:
а) Мөлдір блоктың ең үлкен жағын төмен қаратып, сәуленің бағытын қадағалауға арналған параққа қойыңыз. Блок шамамен парақтың ортасында болуы тиіс. Блоктың контурын сызыңыз және 2.1-суретте көрсетілгендей ABCD деп белгілеңіз.
Блокты алып тастаңыз.

АВ қабырғасында A нүктесінен 2,0 см жерде орналасқан Е нүктесін белгілеңіз. Е нүктесі арқылы АВ қабырғасына перпендикуляр NL жүргізіңіз.
Перпендикулярдың CD қабырғасымен қиылысуын М нүктесімен белгілеңіз. [1]
(b) 2.1-суретте көрсетілгендей Е нүктесінен бастап, перпендикулярдың сол жағынан перпендикулярға қатысты түсу бұрышы i = 10° болатындай ұзындығы 8,0 см кесінді сызыңыз. Кесіндінің ұшын F нүктесімен белгілеңіз.

P1 және P2 екі түйреуішті FE кесіндісіне орналастырыңыз.
Бір түйреуішті E нүктесіне жақын орналастырыңыз. P1 және P2 түйреуіштерінің орналасуын нүктелермен белгілеңіз. [1]

(c) Блокты қайтадан парақтағы орнына қойыңыз.
Блоктың CD жағынан қарап, P1 және P2 бейнелері бір-бірінің артында болатындай, P1 және P2 бейнелерін бақылаңыз. Өз көзіңіз бен блоктың арасына P3 және P4 түйреуіштерін орналастырыңыз, сонда P3 және P4 бейнелері, сондай-ақ P1 және P2 бейнелері блок арқылы көрініп, бір түзудің бойында орналасуы керек.......