Көміртек және оның қосылыстары (Химия, 8 сынып, IV тоқсан)

Пән: Химия
Ұзақ мерзімді жоспар бөлімі: Көміртек және оның қосылыстары
Сабақ тақырыбы: Көміртек және оның қосылыстары
Осы сабақта қол жеткізілетін оқу мақсаттары (оқу бағдарламасына сілтеме): 8.4.3.1 көміртек неліктен көптеген қосылыстарында төрт байланыс түзетінін түсіндіру;
8.4.3.2 табиғатта көміртек және оның қосылыстарының таралуын сипаттау
Сабақ мақсаттары: Көміртек атомының қосылыстарда 4 валенттілік түзуін түсіндіру;
Көміртек қосылыстарының маңызын түсіндіру.

І Ұйымдастыру кезеңі

Осы сабақтың тақырыбы және оқу мақсаты хабарланады. Сонымен қатар көміртекке кіріспе ретінде «твиг-билим» сайтынан видеокөрсетілім көрсетіледі.


II. Жаңа білімді меңгерту

Жұптық жұмыс Оқушылар жұпта біріге отырып, «Көміртек» тақырыпшасына арналған жұмыс парақтарымен жұмыс жасайды.

Оқушы жұмысын талқылау барысында мұғалім көміртек атомының электрондық конфигурациясын, оның қосылыстарды түзу барысында тұрақты төрт валенттілікке ие екенін түсіндіреді. Сондай-ақ табиғатта көміртектің органикалық және бейорганикалық қосылыстар түзетінін мысалдар келтіру барысында сипаттап өтеді.

Жеке жұмыс Оқушы қосылыстардың ішінен көміртек мөлшері көп қосылысты таңдайды. Қосылыстардың қолданылу аймағына шағын зерттеу (ноутбуктар қолдану немесе мұғалім тарапынан қажетті ресурстар таратуға болады) жүргізе отырып, тиісті кестені толтырады......