Патогендермен күрес тәсілдері. Бактериялардың антибиотиктерге тұрақтылығы. (Биология, 7 сынып, IV тоқсан)

Пән: Биология
Ұзақ мерзімді жоспар: 7.4 С Микробиология
Сабақтың тақырыбы: Патогендермен күрес тәсілдері. Бактериялардың антибиотиктерге тұрақтылығы. №14 Зертханалық жұмыс «Антибиотиктер, антисептиктер және залалсыздандыру өнімдерін қолдануды зерттеу
Осы сабақта қол жеткізілетін оқу мақсаттары (оқу бағдарламасына сілтеме): Оқушылар
- антибиотиктер, антисептиктер және залалсыздандыру құралдарының қолданылуын сипаттау
Сабақтың мақсаты: Оқушылар:
- "антибиотиктер", "антисептиктер", " залалсыздандыру құралдар" терминдеріне анықтама береді;
- антибиотиктерді, антисептиктерді және залалсыздандыру құралдарын қолдануды сипаттайды;
- залалсыздандыру құралдарының микроорганизмдердің өсуіне әсері бойынша эксперимент нәтижелерін түсіндіреді;
- микробиологияны дамытуда биолог-ғалымдардың рөлін бағалайды.
1. Ұйымдастыру кезеңі.
Сәлемдесу, оқушыларға жақсы оқу атмосферасын қалыптастыру.

2. Шақыру.
Проблемалық сұрақ:
Адам сыртқы ортада, ағзаның терісіндегі және ағзаның ішінде патогенді микроорганизмдермен қалай күреседі? (антибиотиктер, антисептиктер, залалсыздандыру құралдар)
Сабақтың тақырыбы мен мақсатын айту
Патогенді микроорганизмдер.
Патоген (грекше. pathos-қиналу, ауыру және genes-тудырушы.) Патогендік – белгілі бір микроорганизм түрінің макроорганизмде көбейіп, белгілі бір ауру туғызуы.

(Г) (ФО) Оқушыларға антибиотиктер, антисептиктер және залалсыздандыру құралдары бейнеленген карточкалар таратылады. Осыдан кейін олар таңдалған суреттерге сәйкес топтарға бөлінеді. Оқушылар антибиотиктерді, антисептиктерді, залалсыздандыру құралдарды зерттейді және тақырып бойынша презентацияны құрайды:

1 жұп: «Антибиотиктер»
2 жұп: «Антисептиктер»
3 жұп: «Залалсыздандыру құралдары»
4 жұп: «Патогендік микроорганизмдер»
5 жұп: «Дезинфекция»
(Негізгі талаптар: 1. Анықтамасы 2. Қолдануы 3. Зерттеудегі ғалымдардың үлестері 4. Мысалдары)
Бағалау: жұптық жұмыс кезінде мұғалім бақылап жүреді.

Жұмыстарды қорғау.
Постерлерді бағалау критерийлері: 1.Тақырыптың толық ашылуы. 2. Критерийлерге сәйкестігі 3. Жұмыстың эстетикасының сақталуы....