Қазақстандағы отаршылдық қоныс аудару саясаты 3-сабақ (Қазақстан тарихы, 8 сынып, ІІІ тоқсан)

Пән: Қазақстан тарихы
Ұзақ мерзімді жоспар бөлімі: 7.3В Қазақстан Ресей империясының құрамында
Сабақ тақырыбы: Қазақстандағы отаршылдық қоныс аудару саясаты 3-сабақ
Осы сабақта қол жеткізілетін оқу мақсаттары: 7.1.1.2 – Ресей империясының қоныстандыру саясатының себептері мен салдарын талдау
Сабақтың мақсаты: Ресей империясының қоныстандыру саясатының себептері мен мақсатын талдау.
(Б) Ұйымдастыру сәті.
Ой шақыру.Тақырыпқа шығу.
(Б) Суреттер топтамасымен жұмыстану арқылы оқушылар сабақ тақырыбына болжам жасайды.
Сұрақ: -Суретті көріп сізге қандай ой келді?
(М) Сабақтың тақырыбы, оқу мақсаттары мен бағалау критерийлері таныстырылады. Тарихи концепт пен зерттеу сұрағына назар аударылады.
Тарихи концепт (фокус): өзгеріс пен сабақтастық
Зерттеу сұрағы: Патша өкіметінің қоныстандыру саясаты қазақ қоғамының өмірін қалай өзгертті?
(М) Ресейдегі басыбайлы құқық туралы қысқаша ақпарат беріледі. Басыбайлы құқықтың неліктен жойылғанын және қарапайым шаруалар үшін бұл Ереженің маңыздылығы айтылады.Оқушылар «басыбайлы құқық» ұғымының мағынасын түсінуі үшін оның негізгі белгілері туралы түсінік беріледі.
1. Шаруалардың жеке топтары арасындағы айырмашылықтар жойылады;
2. Шаруалардың құқығына, қосымша табыс іздеуіне шек қойылады;
3. Шаруаларды бірте-бірте азаматтық құқығынан айырады;
4. Феодалдың шаруаны қуып жіберуге құқығы болады.
Оқушылар осы белгілерге қарап отырып, басыбайлы шаруалардың жағдайын түсініп, аталған құқықтың жойылуының маңыздылығын біледі.
Зерттеу мен талдау
1-тапсырма. «Тұжырымдармен жұмыс»
4 топқа бөлінген оқушыларға тұжырымдар таратылады.Тұжырым мағынасын оқушылар топ ішінде талқылап, тұжырымға қатысты пікірлерін сыныпқа жариялайды......