XIX ғасырдың 40-60 жылдарындағы қазақтардың ортаазиялық хандықтармен қарым-қатынастары (2-сабақ) (Қазақстан тарихы, 8 сынып, ІІІ тоқсан)

Пән: Қазақстан тарихы
Ұзақ мерзімді жоспар бөлімі: 7.3 А Отарлау және ұлт-азаттық күрес
Сабақ тақырыбы: XIX ғасырдың 40-60 жылдарындағы қазақтардың ортаазиялық хандықтармен қарым-қатынастары (2-сабақ)
Осы сабақта қол жеткізілетін оқу мақсаты: 7.3.1.6 – ұлт-азаттық көтеріліс басшыларының рөліне баға беру
Сабақтың мақсаты: Орта Азия хандықтары мен Ресей отаршылдығына қарсы азаттық көтерілістегі Жанқожа мен Есет батырлардың рөліне баға береді.
Сабақтағы жоспарланған іс-әрекет
Ұйымдастыру кезеңі. Топқа бөлу.
Өткен материалды еске түсіру.
- XIXғ I жартысында Қазақстанның оңтүстік аймағына үстемдік жүргізген қандай мемлекеттер?
- Сыр бойы қазақтарының көтерілісін кім бастады, нешінші жылы?
- Сыр бойы қазақтарының көтеріліске шығуының себептері қандай?
- Жанқожа бастаған көтерілісшілердің мақсаты қандай?
-Жанқожа бастаған көтерілістің нәтижесі қандай?
-Есет бастаған көтерілістің себептері?
-Есет батыр бастаған көтерілістің басты мақсаты?
-Көтеріліс нәтижесі?
(М) Оқушыларға өтілетін сабақтың алдыңғы сабақтың жалғасы екендігі ескертіледі. Сабақ тақырыбы мен оқу мақсаттары пысықталып, бағалау критерийлері таныстырылады. Тарихи концепт және зерттеу сұрағына назар аударылады.
Тарихи концепт: себеп-салдар
Зерттеу сұрағы: Неліктен Орта Азия хандықтарының Қазақстанның оңтүстік аймақтарына экспансиясы күшейді?
(Б) Оқушыларға Жанқожа батыр туралы М.Тынышбаевтың пікірі мен Есет батырдың соңғы сөзі ұсынылады. Олардың мазмұнымен оқып, тұлғалармен танысуға мүмкіндік жасаңыз.
«Жанқожа Үш жүздің ең атақты батыр-билерінің бірінен саналады. Ол қазақ тәуелсіздігі үшін күрескер ретінде орысты да, хиуалықтарды да, қоқандықтарды да, тіпті хандардың өзін де мойындаған жоқ»
(М.Тынышбаев)
«Халқым, барлығына да ризамын. 15 жасымнан атқа қонып, елімді қорғадым. Жайықтан қонысыма еш дұшпанымды өткізген жоқпын. Енді міне, өмірден өтер күнде таяған сыңайлы. Мені жерлейтін кезде басымды құбылаға қаратпасаңыздар екен. Аяғым батысқа, басым шығысқа қаратылса деп сұраймын. Бізді табанына басқысы келген мынау Ресей патша залымдары мен қан құмарларын табаныммен тіреп жатсам деймін»
(Е.Көтібарұлы)
Зерттеу мен талдау
1-тапсырма.
(Б/Ж) Мәтінмен жұмыс.
Оқушыларға көтеріліс басшылары туралы ақпараттық ресурс ұсынып, тұлғалар туралы зерттеу жұмысын ұйымдастырыңыз. Оқушылар мәтін мазмұнын оқып, өзара талқылау жүргізеді. Берілген сұрақтарға жауап беру арқылы тұлғалардың іс-әрекетін, қадір-қасиетін талқылап, пайымдайды. Зерттеу жұмыстарын сынып алдында жариялайды......