1822-1824 жж. патша реформалары 3-сабақ (Қазақстан тарихы, 8 сынып, ІІ тоқсан)

Пән: Қазақстан тарихы
Ұзақ мерзімді жоспар бөлімі: 7.2В Отарлау және ұлт-азаттық күрес
Сабақ тақырыбы: 1822-1824 жж. патша реформалары 3-сабақ
Осы сабақта қол жеткізілетін оқу мақсаттары: 7.1.2.1 – дәстүрлі қазақ қоғамындағы өзгерістерді өткен тарихи кезеңдермен салыстыру арқылы анықтау
Сабақтың мақсаты: 1822-24 жж жарғылары нәтижесінде Қазақстанда болған әкімшілік-аумақтық өзгерістерді түсіну.
(Б) Ұйымдастыру сәті
Өткен материалды пысықтау
«Бес саусақ» тапсырмасы
Кім?
1822-24 жж реформалар жобасын кімдер дайындады?
Не?
М.Сперанский және П.Эссен дайындаған жарғылар қалай аталады?
Қашан?
Патша өкіметі «Сібір қырғыздары» және «Орынбор қырғыздары» туралы Жарғыларды қашан бекітті?
Қайда?
«Сібір қырғыздары» мен «Орынбор қырғыздары» Жарғысы Қазақстанның қай аймақтарында жүзеге асты?
Неге?
Патша өкіметі неліктен қазақ даласында 1822-24жж реформаларды жүргізді?
(М) Оқушылардың жауаптарынан кейін сабақ тақырыбы өткен сабақтың жалғасы екендігі ескертіледі. Сабақ тақырыбы мен оқу мақсаттары пысықталады. Бағалау критерийлері де оқушыларға таныстырылып, тарихи концепт пен зерттеу сұрағына назар аударылады.
Тарихи концепт (фокус): Себеп-салдар
Зерттеу сұрағы: Неліктен XX ғасырдың 20-шы жылдарында Қазақстанда әкімшілік реформалар жүргізілді?
Зерттеу мен талдау
1-қадам. Мәтінмен жұмыс.
Топтағы оқушыларға мәтін таратылып, белгіленген уақыт ішінде мәтін мазмұны оқылады. Мәтін мазмұны оқылып болғаннан кейін, келесі тапсырмалар орындалады.
2-қадам. «Артығын тап» тапсырмасы.
(Т) Реформа мазмұнымен танысқаннан кейін топтарға тағы да бірнеше ұғымдар/сөздер жазылған карточкалар таратылады.
Оқушылар осы ұғымдар арасынан тапсырмаға қатысты емесін алып тастайды да, төмендегі ұғымдар бойынша ұғымдар жазылған карточканы сұрыптап алады.Сонан соң, карточкадағы кілт сөздерді төменде берілген кестенің тиісті графасына жазады.
Мәселен, Округ, шапқыншылық, жасақ. құрылтай, баж салығы, алғадай, аурухана, шайқас т.б.....