Түріктердің материалдық және рухани мәдениеті 4-сабақ (Қазақстан тарихы, 6 сынып, ІІ тоқсан)

Пән: Қазақстан тарихы
Ұзақ мерзімді жоспар бөлімі: 6.2A Х – XІІІ ғғ. басындағы Қазақстан
Сабақ тақырыбы: Түріктердің материалдық және рухани мәдениеті 4-сабақ
Осы сабақта қол жеткізілетін оқу мақсаттары (оқу бағдарламасына сілтеме): 6.2.2.5 көшпелілердің қолданбалы өнер жетістіктерін сипаттау;
6.2.2.2 ортағасырлық сәулет өнері ескерткіштерінің ерекшеліктерін түсіндіру;
Сабақ мақсаттары: Оқушылар: түркі халықтарының материалдық мәдениеті, шаруашылығы мен өмір салтын зерттеу арқылы әлемдік өркениеттің дамуына қосқан үлесін түсінеді.
Ұйымдастыру бөлімі
(Б) Түркі халықтарының мәдениетіне ортақ белгілері бар суреттер топтамасын ұсыныңыз (тәңірлік дін, отқа табыну, шаманизм, ғалымдар әл-Фараби, әл-Хорезми, Ж. Баласағұни, Ұлы Жібек жолының картасы, ою-өрнек, текемет, жылқы, үзеңгі, ыдыс-аяқ, зергерлік бұйымдар, т.б. ).
Оқушылар суреттерді сипаттау арқылы олардың ортақ байланысын анықтап, тақырыпқа шығуы тиіс.
(М) Оқу мақсаттары мен бағалау критерийлерін оқушыларға таныстырып, зерттеу сұрақтарын ұсыныңыз:
 Түріктердің материалдық мәдениетінің ерекшелігі неде?
 Түріктердің материалдық мәдениеті неліктен әлемдік мәдениеттің дамуында ерекше орын алады?
(Т) Оқушыларды топқа бөліп, түріктердің мәдениетінің жетістіктерін анықтау тапсырмасын беріңіз. Оқушылар жетістіктер тізімін дайындауы қажет. Анықталған жетістіктерді материалдық және рухани жетістіктерге топтастыруға беріңіз.
Материалдық мәдениет жетістіктері Рухани мәдениет жетістіктер
(Т) Оқушыларға Түріктердің материалдық мәдениет жетістіктері туралы мәтін беріңіз. Мәтінде шаруашылық пен тұрмыс саласындағы, қолөнер, сәулет өнері, бейнелеу мен мүсін өнеріндегі жетістіктері туралы ақпарат қамтылуы керек.
(Б) Мәтінді оқыған соң алдыңғы жетістіктер тізімін толықтыруға беріңіз. Осыдан соң жетістіктер тізімін шаруашылық және тұрмыс, қолөнер, сәулет өнері салаларына топтастыру тапсырмасын ұсынып, осы салалар бойынша оқушыларды топтарға бөлуге болады......