Еркебұлан Қайназар Әбілханұлы (18 қазан, 1984 жыл)

Еркебұлан Әбілханұлы Қайназар (18 қазан, 1984 жыл, Оңтүстік Қазақстан облысы, Түркістан қаласы, А.Үсен ауылы - айтыскер ақын, жыршы, термеші.
Өмірбаяны
А.Үсен атындағы орта мектепте оқып (1991-2001) бітіреді.
ақын Әбдіхалық Әбдірайымұлы ашқан Шымкент қаласындағы «Жас ақындар мен импровизаторлар, жыршы-термешілер» мектебін үздік бітірген (2001-2002).
Л.Н.Гумилев атындағы Еуразия ұлттық университетінің педагогика факультеті, «Дәстүрлі музыкалық өнер» кафедрасында білім алып, үздік бітірген (2002-2006).
ҚР Президенттік Мәдениет орталығының «Ұлттық дәстүрлер театрында» қызмет атқарған (2007-2012).
2012 жылдан Қазақ ұлттық өнер университеті, Қорқыт ата атындағы ғылыми-зерттеу институтында аға ғылыми қызметкер болып еңбек етеді.
«Айтыс ақындары мен жыршы, термешілердің халықаралық Одағының» атқарушы директоры.
Марапаттары
2004 ж. - Астанада өткен «Ауылым - алтын бесігім» атты Республикалық айтыста І орын; 2008 ж. - Алматы облысы Алакөл ауданының 80 жылдығына орай өткен Республикалық айтыста І-орын; 2008 ж. - Оңтүстік Қазақстан облысы Ордабасы ауданында өткен Республикалық айтыста Бас жүлде; 2010 ж. - Астанада өткен «Тәуелсіздік тағылымы» айтысында арнайы жүлде; 2011 ж. - «Тәуелсіз елдің таңы жарық» атты Халықаралық айтыста жүлделі ІІ орын; 2013 ж. - Тұңғыш рет ұйымдастырылған «Текті сөздің төресі – терме» атты Республикалық байқауда ІІ орын иеленген.