Түрлі дереккөздерден ақпарат алу «Ән құдіреті» Жарқын Шәкәрімов (3 сынып, III тоқсан)

Пән: Әдебиеттік оқу
Бөлімі: «Өнер» ортақ тақырыбы
Сабақ тақырыбы: Түрлі дереккөздерден ақпарат алу «Ән құдіреті» Жарқын Шәкәрімов
Оқу мақсаттары: 3.2.9.1 шығарманың мазмұнына сәйкес түрлі дереккөздерден: иллюстрация, әдеби кітаптар, мультфильм нақты ақпаратты табу және ақпаратты сызба түрінде беру;
3.1.4.2 сөйлеу барысында иллюстрациялар/көрнекіліктер/фото/суреттер қолдану.
Сабақ мақсаттары: Барлық оқушылар: шығарманың мазмұнына сәйкес әдеби кітаптардан ақпаратты табады және ақпаратты берілген кестеге салады және сөйлеу барысында фотоны қолдануды біледі.
Көптеген оқушылар: алған ақпараты бойынша өздерінің таңдауларын негіздейді
Кейбір оқушылар: сөйлеу барысында иллюстрацияларды қолдану себебін талқылайды, өз ойын дәлелдейді.
Сабақтың басы
Ширату тапсырмасы. «Мозаика» әдісі арқылы топқа бөлу.
1. Түрлі -түсті қима қағаздарды әр оқушы алады.
2. Сол түстер бейнелеген топқа барып отырады.
3. Қима қағаздардың бөліктерін біріктіру арқылы мозаиканы құрастырады. Құрастырған суреттер бойынша :
«Сұрақ менен, жауап сенен»
1. Суреттен не байқадыңдар?
2. Суретте кімдер бейнеленген?
3. Олар жайында не айта аламыз? Ақпаратты қайдан аламыз?
Сабақ мақсаты: Олай болса, біздің бүгінгі сабағымызда шығарманың мазмұнына сәйкес әдеби кітаптардан ақпаратты тауып және ақпаратты берілген кестеге салып және сөйлеу барысында иллюстрацияларды қолдануды үйренеміз. Бағалау критерийімен таныстыру.
Сабақтың
ортасы
1-тапсырма
(ЖЖ, Ө) «Екі мәлімет» әдісі
Суреттегі кім? Ол жайлы не білесің?
1. Оқушыларға Ә. Қашаубаевтың суреті көрсетіледі. Сурет бойынша өзі білетін және білгісі келетін екі мәліметті айту тапсырылады.
2. Алдымен суреттен кімді көріп тұрғандары сұралады, ортаға өз ойларын салып бөліседі.
3. Жұпқа бөлініп ойларын бөліседі.
4. Одан соң жұптар берілген кестені толтырады.
5. Жұптарды тыңдап, жетістіктері бағаланады.
6. Әміре Қашаубаевтың орындауындағы «Балқадиша» әнін тыңдау.
[media=https://www.youtube.com/watch?v=HbKhn88IiDk]
Саралау: Қабілеті төмен оқушылардан сурет бойынша не ойлайтыны сұралады. Ал қабілетті оқушылардан қосымша мәліметтер бойынша тұжырымдай білуге ынталандырылады.
Б: «Бас бармақ» әдісі арқылы бағаланады.
Басбармақ жоғарыға қарай – ұнады
Басбармақ көлденең – орташа
Басбармақ төмен қарай – ұнаған жоқ
2- тапсырма
(Ө,Ұ) «Ән құдіреті» Жарқын Шәкәрімов мәтінін оқу тапсырлады.
1. Мәтіннің бір бөлігін мұғалім дауыстап оқып береді. Оқушылардан мұқият тыңдап отырады.
2. Әрі қарай оқушылар мәтінді жалғастырып, іштей оқиды. Оқушыларға мәтінді оқып шығу үшін уақыт беріледі.
3.Оқушылардан өз ойларын, пікірлерін пысықтау үшін немесе автордың жазғанын ой елегінен өткізу үшін мәтін бойынша сұрақтар қойылады.
 Мәтін кім жайында?
 Мәтінен не түсіндің?
 Әннің ұнағанын қандай сөздерден байқауға болады??
 Алдыңғы тапсырмадағы Әміре жайлы білетінің мен білгің келетіні жайлы мәтіннен ақпарат алдың ба?
Саралау: Қабілеті төмен оқушыларға тапсырманы орындау барысында жан-жақты әрі нақты көмек беріледі.
Б: «Ауызша кері байланыс» «Жарайсың», «Керемет», «Жақсы».
3-тапсырма
(Т,ЖЖ) «А,В,С» әдісі арқылы Әміре Қашаубаев туралы қосымша ақпараттар жинау тапсырмасы беріледі.
1. «Әміре Қашаубаев» туралы ақпараттары бар қосымша журналдар, кітаптар, интернет материалдар таратылады
2.Оқушылар топта үшеуден отырады. А — дереккөзден Әміре туралы ақпаратты табады, В – Ақпаратты оқып, жазуға дайындайды, С — ақпаратты жинақтап жазады.
Саралау:Оқушыларға рөлдер қабілетінің ерекшелігіне қарай бөлінеді және әр рөлдері бойынша есеп беру мүмкіндіктері ескеріледі.
Б: «Смайликпен» бағалау әдісі. Топтар бір –бірін тыңдайды, стикерлерге смайликтер суретін
4-тапсырма
(Т,ЖЖ) Кестені толтыр.
1. Оқушылар дереккөзден жинаған материалдары бойынша кестені толтырады. Кестедегі мәліметтер оқушылардың тапқан ақпараттарына қарай ауысады.
Туған жылы Парижде шырқаған әндері Туған жері
2.Кестені толтырып болғаннан кейін оқушылар өз жұмыстарын қорғайды.
3.Олар кестенің мазмұнын талқылайды, өзара бағалайды.
4. Бағалау аяқталғаннан кейін, кестелер сынып қабырғаларына ілінеді. Оқушылар қосымша ақпараттармен танысады.
Саралау: Қабілеті төмен оқушылар дереккөздерді қарап 1-2 ақпарат алуына қолдау көрсетіледі, ал кейбір оқушылар басқа сыныптастарына қарағанда анағұрлым күрделі дереккөздермен жұмыс істей алады.
Б:"Табыс сатысы" әдісі арқылы оқушылар тақырыпты түсінгені бойынша қай сатыда тұрғаның белгілейді......