Cуреттің негізінде жаңа әңгімелер жазу (3 сынып, III тоқсан )

Пән: Қазақ тілі
Ұзақ мерзімді жоспар бөлімі: Өнер
Сабақ тақырыбы: Cуреттің негізінде жаңа әңгімелер жазу
Осы сабақта қол жеткізілетін оқу мақсаттары: (оқу бағдарламасына сілтеме) 3.1.1.1 тыңдаған материал бойынша тірек сөздерді белгілеу, ашық және жабық сұрақтарға жауап беру
Сабақ мақсаттары: Берілген мәтін бойынша тірек сөздерді белгілеу, сұрақтар құрастырып, жауап беру.
Сабақ барысы: І. Ұйымдастыру кезеңі
Оқушылар алдарында жатқан дөңгелектерге смайликті салып, топта бір-біріне сәттілік тілейді.
ІІ.Қызығушылық-мотивациялық кезеңі.
«Сыртқы, ішкі шеңбер»
Балалар шеңберге тұрып, сыртқы шеңбер ішкі шеңберге зат есім бойынша сұрақтар қояды, ішкі шеңбер жауап береді. Кейін ауысады.
ІІІ. Іс-әрекеттің негізгі түрі:
(Ұ) Әуен қосылады оқушылардан көздерін жұмады. Мұғалім бейнелейтін көріністі елестетуді сұрайды.
«Өзен жағасында әке мен бала отыр. Күн ыстық, олар күнге қыздырынып жатыр. Олар қармақтарын алып, өзенге тастады. Балық түспеді. Кенеттен бір аққу жүзіп келді. Әке мен бала аққуды тамашалай бастады. Аққу өзіңнің әсемдігімен оларды таңғалдырды. Мойыны ұзын, иірілген, тұмсығы қызыл түсті. Өзеннің бетінде жүзген аққудан тыныштық сезімі келіп тұр.»
Оқушыларға сурет көрсетіледі.Оқушылардан өз қиялдарында көрген бейнелерді суреттегі көріністермен салыстыруды сұрау.
Оқушыларға мәтін таратылады. Оқушылар мәтінді оқиды. Топтық жұмыс.
Тапсырма:
 Мәтін бойынша бес тірек сөзін белгілеу.
 Әр топ мәтін бойынша екі сұрақ дайындайды.
Топтар дәптерге жазған сөздерін тексеру, дайындаған сұрақтарын қояды, қалғандары жауап береді.
Топтық жұмыс:
1 топ-Аққу сөзін көпше түрінде тәуелдеп жазады.
2 топ-Аққу сөзімен бес жол өлең шығарады.
3 топ-Аққу сөзімен үш сөйлем құрастырып жазады.
Әр топ өз тапсырмаларын дәптерге жазады.
Рефлексия
«Бағдаршам»
Қызыл – ақпарат табу қиын, мұғалімнің немесе сыныптастырымның көмегі керек.
Сары – ақпаратты өзім таба аламын, бірақ тапсырмаларды орындауда қиынсынамын.
Жасыл- ақпаратты өзім тауып,тапсырмаларды орындаймын......