Таныс әңгімені баяндау (3 сынып, I тоқсан )

Пән: Қазақ тілі
Ұзақ мерзімді жоспар бөлімі: Жақсыдан үйрен, жаманнан жирен
Сабақ тақырыбы: Таныс әңгімені баяндау
Осы сабақта қол жеткізілетін оқу мақсаттары: (оқу бағдарламасына сілтеме) 2.9 Түрлі дереккөздерден ақпарат алу
Сабақ мақсаттары: 3.1.2.1 мәтіннің тақырыбы мен берілген суреттер/фото/диаграмма бойынша мәтіннің мазмұнын болжау.
Сабақ барысы: Ұйымдастыру кезеңі.
Сабақты ОМ таныстыру
• пікір білдіруге бағытталған сұрақтар құрастырып, жауап беруді үйренеміз;
• өз ойымызды жүйелі жеткізуді үйренеміз;
• щ әрпі бар сөздердің емлесін меңгереміз.
Кел сөйлесейік
Дәуіт жыртқыш жәндік пе? Неліктен халық оны қамқоршы жәндік ре- тінде құрметтейді
Болжап көрейік
Суреттерге қарап, ертегі мазмұнын болжа. Әр суретке ат қой.
Мәтінді тыңда. Болжамың сәйкес келді ме?
Қарлығаш пен дәуіт
(Қазақ халқының ертегісі)
Қарлығаш ағаштың қуысына ұя салып, балапандарымен бір- ге тұрыпты. Анасы азық әкелуге кеткенде, балапандары шыдам- сыздана күтеді екен.
Тыңдайық және жауап берейік
Бір күні қарлығаштың ұясына жылан өрмелеп бара жатады. Мұны көрген қарлығаш шыр-шыр етіп, балапандарына араша із- дейді. Ұшып көкекке барады.
Қарлығаш: «Көкек, маған көмек бере гөр, балапандарымды
жылан жейін деп жатыр!» – дейді.
– Бүркіт қонаққа шақырып еді, уақытым жоқ, – дейді көкек. Қарлығаш ұшып, қарғаға келеді.
– Қарғажан, маған көмек бере гөр. Балапандарымды жылан жегелі жатыр, – дейді жылап тұрып. Қарға қарлығашқа бұрылып қарамастан: – Мен үйленейін деп жатырмын, мазамды алма! – дейді маңғазданып.
Қарлығаштың амалы таусылып, шырылдап одан әрі ұшады.
Қарлығаш дәуітке:
– Улы жылан балапандарымды жұтпақшы болып, ұяма өрме- леп барады.
– Олай болса, мені тезірек жеткіз, –дейді дәуіт. Қарлығаш қана- тын тосады. Қарлығаш пен дәуіт көзді ашып-жұмғанша ұяға жетеді.
Дәуіт ұяға жетіп қалған жыланның көзін ойып алады. Жылан сылқ етіп, жерге құлап түседі.
Дәуіттің ерлігіне сүйсінген қарлығаш онымен айнымас дос бо- лады.
Содан бері талай заман өтсе де, қарлығаш пен дәуіт бір ұяда тұрып, бірге өмір сүреді екен.
Мәтіндегі құрамында қаратпа сөзі бар сөйлемдерді тауып, көшіріп жаз. Қаратпа сөздердің астын сыз. Қай сөйлемдерді қаратпа сөзбен толықтыруға болады?
Жоспарлайық
Ертегі мазмұны бойынша жоспар құрастыр.
Мысалы:
1. Қарлығаштың ағаштың қуысына ұя салды.
2.
Жазайық
Жоспар бойынша ертегі мазмұнын қысқаша жаз.....