Гүл туралы аңыз (5 сынып, I тоқсан, 3 бөлім )

Пән: Қазақ тілі
Ұзақ мерзімді жоспар бөлімі: Қазақстандағы жан-жануарлар мен өсімдіктер әлемі
Сабақтың тақырыбы: Гүл туралы аңыз
Осы сабақ арқылы жүзеге асатын оқу мақсаттары: Т4. Көркем шығармаларды тыңдау. Фольклорлық және шағын көлемді көркем әдеби мәтіндердің мазмұнын түсіну.
Сабақтың мақсаттары:Таныс, таныс емес сөздерді талдау арқылы «Гүл туралы аңыз» мәтінінің мазмұнын түсінеді.
Сабақ барысы: 1. Сабақтың мақсаты мен бағалау критерийлері талқыланады.
- Бір оқушы мақсатты оқиды
-Басқа оқушылар осы мақсатты меңгеру үшін қандай тапсырмалар орындауға болатынын болжайды.
-Мұғалім қандай тапсырмалар болатынын түсіндіреді
1. Тыңдалымалды тапсырма: Гүл туралы аңыз тыңдауға берілетіні хабарланады. Берілген кестеде гүлге қатысты сынды білдіретін және қимылды білдіретін сөздер жазу тапсырылады.
Қандай? Не істеді?
Үлгісіз, шаблонсыз орындай алмайтын балаларға кестенің екінші нұсқасы беріледі
Қандай ? Не істеді?
Қызыл гүл Гүлді сыйлады
... гүл Гүлді ...
... гүл Гүлді ...
... гүл Гүлді ...
2. «Кең ауқымды лекция» стратегиясы. Сынып жұптарға бөлінеді. Жұптың әрбір сыңары 1 және 2 деген нөмірлерді алады. Тыңдалым жұмысы қалай жүргізілетіні түсіндіріледі: Мұғалім мәтінді 4 бөлікке бөліп кідіріспен оқиды (немесе аудиожазбадан тыңдатылады). Бірінші бөлік оқылып жатқанда бірінші нөмірлі оқушы кездескен таныс сөздерді жазып отырады, екінші нөмірлі оқушылар мағынасы түсініксіз сөздерді жазып отырады. Мұғалім кідіріс жасаған кезде жұптағы оқушылар оқушылар өзара пікір алмасады: нөмір бірінші оқушы қандай таныс сөздер болғанын айтады, нөмір екінші оқушылар түсініксіз сөздерді айтады, екеулеп сөздік арқылы мағынасын анықтайды.
Екінші бөлікті оқыған кезде жұптағы оқушылар міндеттерімен алмасады. Алдыңғы бөліктегідей жұмыс жалғаса береді. Осылай мәтіннің соңына дейін талқылап шығады.
Таныс сөздер Таныс емес сөздер
3. Тыңдалымның екінші тапсырмасы:
Мәтін екінші рет тұтас оқылады. Оқушылар берілген сөйлемдерге тиісті сөздер мен сөз тіркестерін қояды.
Ерте, ерте, ертеде ... шаруалар әдемі гүлдер өсіретін.
Барлық гүлдерді құртыңдар да, орнына ... егіңдер.
Гүл ... сәні ғой. Бірақ ашулы хан ешкімді ...
Мерекелерде адамдар бір-біріне ... сыйлай алмады.
Аралар да қайдан бал жинарын білмей, құр ызыңдап ұша берді.
Бір күні хан қатты ..
Содан бері ... гүлдерді баптап өсіріп, гүлге араларды жіберіп, бал жинай береді.
Осы оқиғадан кейін хан қайтадан гүл егіп, жер бетін жайнатуға ........