Демалыс күндер туралы әңгіме жазу үшін идеялар жинау (2-сабақ) (2 сынып, IV тоқсан )

Пән: Қазақ тілі
Ұзақ мерзімді жоспар бөлімі: Саяхат
Сабақ тақырыбы:Демалыс күндер туралы әңгіме жазу үшін идеялар жинау (2-сабақ)
Осы сабақта қол жеткізілетін оқу мақсаттары: (оқу бағдарламасына сілтеме)2.1.3.1 тыңдаған материалдың мазмұны бойынша сұрақтарға жауап беру және оған сәйкес фото / сюжетті суреттер / сызбалар таңдау / сипаттау
Сабақ мақсаттары:Барлық оқушылар: мұғалімнің қолдауымен тыңдаған материалдың мазмұны бойынша сұрақтарға жауап береді.
Көптеген оқушылар: тыңдаған материалдың мазмұны бойынша сұрақтарға жауап береді.
Кейбір оқушылар: тыңдаған материалдың мазмұны бойынша сұрақтарға толық жауап береді.
Сабақ барысы: (Ұ) Қызығушылықты ояту. «Диктор уақыты». Оқушылар берілген шаблонға сүйеніп, күнмен, ауа райымен таныстырады.
• бүгін нешесі?
• бүгін қай күн? (дүйсенбі, т.б.)
• ауа райы қандай?
Оқушыларды сабақтың тақырыбы және мақсатымен таныстыру.
(Ж) «Бос микрофон» Оқушылар жұпта демалыс туралы сөйлемдер / шағын әңгіме айтады.
• теңіз жағасындағы демалыс
• табиғат аясындағы демалыс
Тапсырманың мақсаты – оқушылардың айтылым дағдысын, септік жалғауларын ажырата алу дағдысын жетілдіру.
(Ө) «Тыңда, біл». Оқушылар шағын мәтінді тыңдап, кестені толтырады. Кестедегі ақпараттармен жұпта бөлісіп, ақпаратқа сүйеніп бір-біріне мазмұндайды.
Мен демалыс күні табиғат аясында демалдым. Айнала сондай әдемі! Айналада хош иісті гүлдер, жасыл ағаштар өсіп тұр, әр түрлі құстар ән салып, әдемі көбелектер ұшып жүр. Мен демалысқа қажетті барлық заттарды алдым. Ауа сондай таза! Мен серуендедім, хош иісті гүлдер тердім. Маған табиғат аясында демалған ұнайды.
Ол қайда демалды?
Айналада не бар?
Ол не істеді?
Оған қайда демалған ұнайды?
Кері байланыс. «Полюстер» арқылы тапсырма бойынша кері байланыс жасайды.
• мен мәтінді түсіндім.
(Ө) «Ойлан, жаз». Оқушылар тыңдаған мәтін негізінде тапсырмалар орындайды. Тапсырмалар қиындық деңгейіне байланысты ажыратылған. Қай деңгейді таңдайтынын оқушының өзі шешеді.
ІІІ деңгей. Сөйлемдерді толықтырып жаз.
Ол.......................... демалды.
Айналада .............. гүлдер, ..................ағаштар өсіп тұр.
Құстар ......................, әдемі ..................... ұшып жүр.
Ол табиғат аясында ...........................
ІІ деңгей. Сұрақтарға жауап жаз.
1) Ол қайда демалды?
2) Ол табиғатты қалай сипаттайды?
3) Табиғат аясында ол не істеді?
4) Оған қайда демалған ұнайды?....