Қайырымды бала №6 (3 сынып, I тоқсан, 2 бөлім)

Пән: Қазақ тілі Т2
Ұзақ мерзімді жоспар бөлімі: 2-бөлім Жақсыдан үйрен, жаманнан жирен
Сабақ тақырыбы: Қайырымды бала №6
Осы сабақта қол жеткізілетін оқу мақсаттары: 2.4 Оқыған/тыңдаған материлды мазмұндау
3.2.4.1 жоспар (сурет, сызба түрінде) және тірек сөздер негізінде оқиға желісін сақтай отырып мазмұнда
3.2 Мәтіннің мазмұнын түсіну
3.3.2.1 жиі қолданылатын сөздер мен фразалардан құрастырылған шағын мәтіндегі негізгі ойды түсіну
Сабақ мақсаттары:
Оқушылардың барлығы:
Оқыған мәтіннің мазмұнын түсінеді, тірек сөздер негізінде мазмұндайды,
Оқушылардың көпшілігі:
Оқыған мәтін бойынша оқиға желісін сақтай отырып мазмұндайды, мәтіннің негізгі ойын түсінеді.
Оқушылардың кейбірі:
Оқыған мәтінді өз бетінше мазмұндайды, тақырыпқа қатысты пікірін білдіреді.
Сабақ барысы: Ертеңгілік шеңбер «Жүректен жүрекке»
Оқушылар шеңбер болып тұрады. Бастапқы қатысушы жанындағы көршісіне жүректің моделін беріп, жақсы тілек айтады, солай жалғаса береді: мейірімді бол, ақылды бол, ұқыпты бол, батыл бол, т.б. Мақсаты: жылылық, сенімділік деңгейін, сыйластықты дамыту.
Сабақтың тақырыбын болжау
(Т) Оқушыларға шашылған суреттер беріледі, пазл ретінде жинайды. Жиналған суреттер бойынша оқушылар үш топқа бөлінеді.
Әр топта қандай сурет шыққаны туралы айтады. Мұғалімнің көмегімен сабақтың тақырыбын болжайды. (Мысалы: торғай мен ұяның қандай байланысы бар? Ал жапырақтар ше?)
Қоршаған ортамызды қандай адамдар қорғайды?
Сөйтіп мұғалімнің жетелеуімен сабақтың тақырыбын анықтайды
Сабақ мақсаттарымен оқушыларды таныстырып өту. (Тақтада оқушылардың тіліне бейімделген оқу мақсаттары жазылады)
- оқыған мәтіннің мазмұнын түсінемін;
- негізгі ойын анықтаймын;
-жоспар және тірек сөздер негізінде мәтінді мазмұндаймын.
(МК,Ұ) Жаңа сөздерді меңгерту: қайырымды, көтер.
Осы сөздерді мағыналарын синоним, антоним келтіру арқылы меңгерту.
Қайырымды- мейірімді (мағынасы жақын сөз) - қатыгез (мағынасы қарама-қарсы сөз).
Көтер – түсір (мағынасы қарама қарсы сөз), қимылмен көрсету
Мысалы: сөмкені көтер, кітапты көтер
2. Дұрыс айтуға дағдыландыру:
- мұғалім сөздерді мәнерлеп оқиды;
- оқушылар мұғалімнен кейін сөздерді қайталайды, дауыстап оқиды, тізбекпен оқиды;
- дұрыс айтуға дағдыланады: қайырымды, көтер
3. Жаңа сөздерден сөз тіркестерін құрастырады:
Қайырымды бала, қайырымды жан, қарсы шығу, қарсы тұру
4. Сөйлемдер құрастыру:
Әлібек – қайырымды бала. Қайырымды болу - өте жақсы қасиет. Әлібек інісінің сөмкесін көтереді.
5. Жана сөздерді сөздік дәптерге жазады.
(Ұ) Тыңдалым. Оқушылар мәтінді 2 рет тыңдайды.
Қайырымды бала.
Күз келді. Жапырақтар сарғайды. Күн суық. Құстар жылы жаққа ұшып кетті. Әділ досымен құстарға ұя жасаймыз деп келісті. Ертеңінде құстың ұясын жасап, ағашқа бекітті. Еңбек етіп, табиғатқа қамқорлығын жасады. Олар қайырымды балалар.
(Ө) Мәтін мазмұны бойынша ақпараттың дұрыстығын тексер.
Ақпарат Дұрыс Бұрыс
Көктем келді
Жапырақтар сарғайды
Күн жылы
Құстар жылы жақтан ұшып келді.
Құстарға ұя жасаймыз
(Ж) "Дұрыс/бұрыс" ойынын ойнайды. Оқушылар мәтін бойынша 1 дұрыс, 1 бұрыс сөйлем құрастырады. Сөйлемдерін жұбына жасырады. Оның сөйлемдерін тыңдап, дұрыс/бұрыстығын анықтайды.
Кері байланыс
• Тапсырманы орындау қиын болды ма?
• Не қиын болды?
(Т) Айтылым. Топтарға таратпа тапсырмалар беріледі, әр қатардағы артық сөздерді тауып, неге артық екенін айтады.
1 топ: қайырымды, әдепті, ұқыпты, еріншек
2 топ: жалқау, мақтаншақ ұқыпсыз,ақылды,
3 топ: міну, алғыс айту, шула, ерке
Топтар бір-бірін «Бас бармақ» әдісі бойынша бағалайды.
(Ө) Грамматикалық қоржын. Жалғауларды дұрыс сәйкестендіреді.
Мен қайырымды сыз
Сен қайырымды -
Сіз қайырымды мын
Ол қайырымды сыздар
Біз қайырымды сыңдар
Сендер қайырымды сың
Сіздер қайырымды -
Олар қайырымды мыз
Кері байланыс: жұмыс орындалып болғаннан кейін тақтадан дұрыс нұсқасы көрсетіледі, әркім өз жұмысын тексереді. ....