Гүлдей жайнаған мектеп ауласы

Экологиялық тәрбиенің мақсат-міндеті жас ұрпақты өзі мекен еткен табиғи ортаның әсемдігін сезінуге тазалығын сақтауға қоршаған ортаға мейірімділікпен жанашырылықпен қамқор болуға тәрбиелеу
Осы бағдарлама аясында мектептебімізде «Жасыл мектеп» бағдарламасы
арқылы мектеп іші мен ауласын көгалдандыру, гүл мәдениетін дамыту арқылы оқушыларды табиғатты аялап, қастерлеуге үйрету, жауапкершілікті қалыптастыру міндеті қойылған. Көктем айынан басталысымен мектеп ауласында көгалдандыру жұмыстары жүргізіледі. Оқушылар өсімдіктермен жұмыс жасай отырып оларды өсірудің қыр-сырын үйренеді. Ауламызда үйеңкілер, қарағайлар алаңы, қарағаштар қоршауы, жеміс ағаштар телімі, көпжылдық гүлдейтін ағаштар мен бозкілемдер алаңы, көгал, 14 гүлзар көпжылдық және біржылдық гүлдердің түрлері егілген. Осы өсімдіктерді күтіп баптауға агроном Орлова Нина Николаевна мен гүл күтумен айналысатын ата-аналар Касибаева Сауле, Токбаева Анаргүлдің ақыл-кенестерін тыңдай отырып, оқушы мен ата-аналар ұстаздардың көмегімен ауланы гүлдендіреміз. Биылғы жылы 11 сынып түлектерінен естелік ретінде раушангүлдер аллеясы немесе ғылыми тұрғыдан розарий жасалынды. Онда 17 әртүрлі раушангүлдер егілді. Былтырғы жылы бөртегүлдер егілсе биылғы жылы дәстүрлі түлектер аллеясы раушангүлдермен толықты. Жаз айында осы егілген гүл мен ағаштардың күтімі осы оқушылар күнделік жүргізеді, соңынан ең жақсы зерттелген өсімдік бойынша зерттеу жұмысы жасалынып, оқушының өз жаз бойы жасалынған еңбегі зертеу жұмысымен аяқталады. Оқушы өзінің өсірген гүлі мен ағашына қамқорлық жасай отырып, өсімдіктерді тани алады және бос уақытын зая кетірмейді, басқа зиянды әдеттерден өзін қорғайды және психологиялық жағынан өзіне сенімділігі молаяды. Себебі онда өзін-өзі үйрету, өзін-өзі тәрбиелеу, өзін-өзі дамыту арқылы балада өсімдік әлеміне қызығушылық туындайды. Мектеп ауласында былтырғы жылы егілген 7 түп раушангүлі мектеп ауласында ерекше тартымдылық береді. Себебі оны осындай аптап ыстық пен желді жерде өсіру өте қиын және көп еңбекті қажет етеді, сондықтан да бұл гүл оқушылардың мектепке деген шынайы сезімі мен еңбегінің нәтижесінде бүгінгі күнде бүр жарып тұр. Сондықтан да мектептегі экологиялық бағыттағы жұмыстарға оқушыларды жұмылдыру, гүл мәдениетін үйрету, олардың өзіне деген сенімін қалыптастырып, жарқын болашағының негізі деп білемін. Жасыл желекке оранған, әсем қаламды, мемлекетімізді гүлдендіре беруге үлесімді қоса береміз.