Көз тию ырым ба? Шындық па?

Бағзыдан келе жатқан, бұл дүние әлі күнге дейін, өз деңгейін көтермесе түсірер емес?!
Балаңның маңдайына күйе жақ!, шашыңды байлап қой!, сәбиіңнің киіміне көзмоншақ тақ! Ішкі киіміңді сырт айналдырып ки! сонда біреудің​ ​ көзі өтпейді деген мәні түсініксіз сөздерді әрдайым естіп жататынымыз жасырын емес.
Бір ескеретін жайт қоғамымызда бұған сенбейтіндердің де қатары көңіл көншітерлік.
Көз тию дегеніміз не?
Көз - жақсы адамға, жас сәбиге, жүйрік атқа, әдемі қызға тиеді деп Қазақ халқымыз болжаған.
Көз тию бір балаға немесе қызға тіптен, ересек адамға қарап оны мақтаса, ол адамға әсері тиіп, тіпті ақ халатты абзал жандар да көмек қолын соза алмауы ғажап емес...
Бұлай дейтініміз, көз тию Қазақ халқында бағзыдан келе жатқан құбылыс. Ал бұған халқымыз қалай қараған?
Жас келінге, нәрестеге т.б қызыға қараған адамдарға көзің тиеді! деп, ырымдап, түкіртуге мәжбүр еткізеді. Басқаша айтқанда біреуді мақтаса, тіл аузың тасқа! деп айтады.
Мұның мәнісі мен мағынасын Қасиетті дініміз ғана мәлімдемесе, біз жауап бере алмасымыз анық...
Адамзаттың асылы, ардақтысы Пайғамбарымыз (с.а.с) "Көз тию - бұл аль-хакк" (ойдан шығарылған емес, өмірде шынайы құбылыс) деп айтқан.
Бір хадисте: " Көз тию ақиқат. Ол түйені қазанға, адамды қабірге түсіреді", -делінген ("Кәшфүл хафа", 2:76)
Құранда, кезінде Жүсіп пайғамбар (а.с) - ның әкесі Жақып пайғамбар (а.с) өзінің балаларын Мысыр еліне жіберіп тұрған кезде оларға былай дейді:" Уа, балаларым, (Мысырға) бәрің бір қақпадан кірмеңдер, бөлек-бөлек қақпадан кіріңдер. (Не істесем де) Алладан келген тағдырды өзгертуге менің шамам жетпейді. Өйткені ақиқатында, үкім беру тек қана Аллаға тән" ("Жүсіп" сүресі, 67-аят)
Мынадай дәлел, деректерден кейін бұл Адам ата (а.с) - нан яғни адамзат баласы пайда бола бастағаннан бар екенін білеміз. Бұл шындық, хаһ дүниеге оңды-солды қарап, баста назар аудармасақ, өзімізге кесапат, кесірі тиюі айдан-анық екені мәлім...
Х.Досмұхамедов атындағы Атырау мемлекеттік университеті журналистика 3 - курс Бегісова Айдана