Өлеңдер ✍️

Зардабын iшiп тағы да жырдың
Жындыны тауып табына күлдiм.
Көбейдi жынды дәрiлеп өзiн,
Көбейiп кеткем – бәрi де өзiм.
Табытқа кiрдiм өзiмнен қашып,
Жылайды тiрлiк көзiмнен қашық.
Өлi қиялдан тiрiлiп алған
Тiрлiкке тартты ұрынып арман.
Менi ендi күтiп зарықпа, Көктем! –

Келмеспiн...
Жарыққа қарап жанып та кеткем,
Сөнбеспiн.
Үмiтке ұры қалықтап өткен
сенбеспiн.
Мiнiмдi бiлмес,
Мұңымды бiлмес,
Жырымды бiлмес
ендi ешкiм.

1989 жыл.