file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

  Өлеңдер ✍️

  20.09.2022
  117


Автор: Ғұсман Жандыбаев

Қыр мынау – ұзатылар қыздай болып...

Қыр мынау – ұзатылар қыздай болып,
Жүрегi дүрс-дүрс соғып, ойға кеткен.
Дүрлiгiп, елегiзiп, қызды-ай келiп,
Тiршiлiк табиғаттан той дəметкен.
Қызынған тойлы ауылдың баласындай,
Қиқулап құстар ұшты топ-тобымен.
Қиылған мейiрiмдi анасындай,
Күн қырды аймалайды от демiмен.
Мезгiлдiң əр мезетi, қас қағымы
Төсiне қалыңдықтың мың гүл қадап,
Тағуда шашқа шолпы, басқа үкi,
Жабуда иығына бұлғын, манат.
Құлпырып, шырайланып шыға келдi –
Лап етiп жанған оттай дүрiлдеп қыр.
Дүние жанарында тұрады ендi
Шаттықтың тамшылары дiрiлдеп бiр.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу