Өлеңдер ✍️

Саңлағын мініп ұшқыр сағыныштың,
Ауылым аңсап сені тағы да ұштым.
Өзіңе мәңгі ынтызар бұл жанымда
Маздайды қуаныштан жанып ұшқын.
Мен жүрер нелер ұзақ жол бар әлі,
Зырлайды машинаның доңғалағы.
Шақырып асқарына арманымды,
Алыста тау иығын қомданады.
Жеттім-ау, жарқын өскен ортадамын,
Ақ әжем алып шықты мол тамағын.
"Үйге кір, қонақ бол" - деп кейбіреулер,
Айтып та үлгерді, әне, қолқаларын.
Мен қалай ірке алайын сезімді шат,
Қараймын жан-жағыма көзімді сап.
Балалар бір-біріне сыбырлап жүр,
Баяғы еліктегіш өзім құсап.
Қаншама сезінсең де есейгендей,
Бас салып еңкейтеді шешейлер кеп.
Мұндайда шама қайсы, екі бетті
Мейрімді еріндерге төсей бермей