Өлеңдер ✍️

Шыңдар бар ғой биік, тапал, аласа,
Көз талады кей шыңдарға қараса.
Кейбір шыңдар заңғар көкпен тілдесіп,
Бір-бірінен биіктейді таласа.
Шыңдар, шыңдар жетсем дейді Айға да,
Шыңға шықсаң,
көрінеді айнала.
Шыңдар жатқан бір тəкаппар алып қой,
Шыңдар сырын дос-жарандар танып қой.
Шыңдар, шыңдар,
асқар шыңдар тым асқақ,
Қысы, жазы жатады ол мұз жастап.
Тек қырандар тілдеседі шыңдармен
Нелер биік тауларыңды шет тастап.
Шыңдар, шыңдар биіксіңдер армандай,
Сендей биік, сендей таза ар қандай.
Шыңдар биік бір-біріне қол созып,
Өмір сүрген жаны жайсаң жандардай.