Өлеңдер ✍️
Өлеңдер ✍️
11.09.2022
119
ШЫҢДАҒЫ БҰЛТТАР
Қорғасын бұлттар кенеттен,
Қалғыған шыңды қаптады.
Басталды жойқын жел өктем,
Бұзылды күннің аптабы.
Ақ шуда бұлт асылды,
Шырқау бір шыңның мойнына.
Маржаннан тамшы шашылды,
Жан ана – Жердің қойнына.
Шыңдарын таудың қалқалап,
Кемпірқосақ көрінді.
Шоқыны сонда алқалап,
Белбеулер жібек керілді.
Көгілдір сағым жарқырап,
Таулардан төмен тарады.
Аспан да,
ауа жалқын ақ,
Құлпырып дүние барады.
Әлеуметтік желілерде бөлісіңіз:
Facebook | VK | WhatsApp | Telegram | Twitter
Қарап көріңіз 👇