Өлеңдер ✍️

Достар жақын қашанда туысыңнан,
Оларды шығармаймын уысымнан.
Жұмақта жүрген жандай боламын мен,
Тіл тауып барлық жанмен ұғысудан.
Қандай жақсы қашанда түсініскен,
Бықсымай сыртқа шықсын түтін іштен.
Күндемейді туыстай адал достар,
Адамды көрдің бе құс сүтін ішкен?
Құс сүтін зəру дейді іздегендер,
Қол жетпесті дəріптеп іздемеңдер.
«Сен» дегендер азайып бара жатыр,
Шау тарттым ба, көбейді «сіз» дегендер.