Өлеңдер ✍️

Көңіліме көкте келіп гүл еккен,
Сұлу мамыр тіршілікті түлеткен.
Май туғанда дала арудай жасанып,
Жыр жазамын өмірге іңкəр жүрекпен.
Заңғар таулар қараса көз талады,
Бала қыран шыңға шырқап барады.
Көктем-жігіт қыл қаламын қолына ап,
Бояуымен түрлі сурет салады.
Дала да көк,
Тау мен аспан көкпеңбек,
Жерге көк ніл төгілгендей көктен кеп.
Бозторғай мен бұлбұл сайрап бағымда,
Бар дүние жасарыпты көктем кеп.
Келші көктем,
Көңіліме гүл еккен,
Ақын жүрек бір өзіңді жыр еткен.
Май гүліндей құлпырайын, жайнайын,
Жыр жазайын
Саған ынтық жүрекпен.