Өлеңдер ✍️

Қолына ұстағаны қайың таяқ,
Бір адам келе жатыр маған таяп.
Жеткенде арыққа ол тұрып қалды,
Елжіреп ет жүрегім кеттім аяп.
Болмаса осы таяқ жүрер ме еді,
Тоқсан тарау жол сырын білер ме еді?
Екі жанар сөнбей-ақ жанып тұрса,
Тұнжырамай, əлде, ол күлер ме еді?
Қашан көрсең тұнжырап тұрады ол,
Əркімнен-ақ адасса, сұрайды жол.
Қолындағы таяғы компас оған
Бағытына əрқашан бұрады қол.
Көргенде көшелерде таяқты адам,
Елжіреп ет жүрегім аяп қалам.
Қолтықтап оны жолға салғым келіп,
Қасына жылдам басып таяп барам.