Өлеңдер ✍️

Шың болсаң мұнарланған,
Шынар едім төсіңдегі.
Жетуге құмарланған,
Мəртебемді өсір менің.
Аялап ақ самалың,
Шақырсын шабытымды.
Таусылып басқа амалым,
Сыр сандық ағытылды.
Шырақ боп төбемдегі,
Жұлдыздай жалтырадың.
Қозыдай көгендегі,
Қорғанып қалтырадым.
Қырандай шүйілме сен,
Аққуға айдындағы.
Сынбаймын иілмесең,
Мен көктем кезіндегі
Мақпалдай майдың бағы.
Сақтай гөр мұз-қарыңнан.
Қорғай бер ызғарыңнан.
Гүл ерте үсімесін,
Сəні жоқ солған гүлдің,
Өзің де түсінесің.