Өлеңдер ✍️

Белімді шешем, беліңді шешем,
Қандырып алғаш шөлімді, көшем.
Көшкем де қонғам,
Қонғам да тоңғам.
От іздеп тағы... Кешеді, кешкен!
От іздеп отыз барамын асып,
Қаламым ғашық,
Ғаламым қашып,
Талғаусыз емес, аңдаусыз құрғыр,
Сырымды кейде аламын ашып.
Қош дей саламын, қо-о-ош дей саламын,
Таңертең дана, кеш бейшарамын.
Өшетін жерде өшпей бағам да,
Көшетін жерде көшпей қаламын.
Бүгінгі кешті кешегі кештен,
Пәс көріп, маңға қараймын өшпен.
Десе де адам,
Тас емес екен,
Бұрында мені... кешеді, кешкен.