file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

  Өлеңдер ✍️

  07.09.2022
  110


Автор: Ахат ӘШУҰЛЫ

Отарда көрдім қой бағып...

Отарда көрдім қой бағып,
Қара қос тігіп құмдарға.
Өзекті мұздай ой қарып,
Жүргемін сонау жылдарда.
Шуласа бөрі іргемнен,
Далаға шығам дауыстап.
Бір дөңге шығып бір дөңнен,
Кететін ай да алыстап.
Сексеуіл, қиды маздатып,
Қазанға салам сүрі етті.
Күліне қарма аунатып,
Өткізем түнде күзетті.
Туырлықтың етегін,
Көңменен тастап көмкеріп.
Қыж - қыж қайнап кетемін,
Аязда мүлде өртеніп.
Қара қосымда ұлылық,
Қасиеті де ғажап ә?
Тұратын үсіп - жығылып,
Қалшылдап қаңтар далада...



11 мамыр 2004ж.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу