Өлеңдер ✍️
Өлеңдер ✍️
06.09.2022
120

Бұйра сағым
Сары белде сабылып бұйра сағым,
Сағынышпен санамды қинаса мұң.
Жанып ұшқан жанымның жалынымен,
Алабұртып ақыры силасамын.
Шаңытына шомылып шөл-құмдардың,
Ағытыла төгіліп шер-мұңдарым.
Әкет мені ұшырып деміңменен,
Өзің үшін от кешіп келдім жаным.
Бұйра сағым көзімнің алды кілең,
Сағым дүние алдайды сан қырымен.
Сағыныштан сарғайған сабырымды,
Арашалап алсаңшы жаңбырыңмен...
Маусым 1999 жыл
Әлеуметтік желілерде бөлісіңіз:
Facebook | VK | WhatsApp | Telegram | Twitter