file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

  Өлеңдер ✍️

  06.09.2022
  172


Автор: Ахат ӘШУҰЛЫ

Мамыр айы, маужыраған майда түн...

Мамыр айы, маужыраған майда түн,
Арудайын лебі жеткен жаныма.
Жымыңдайды жиі қағып ай қасын,
Мас болғандай мамық бұлтқа малына.
Көлбеңдетіп керім талдар көйлегін,
Қолын бұлғап шақырады алыстан.
Жатыр бұлақ жаспен шылап ой көзін,
Менің бала арманыммен жарысқан.
Қандай ғажап сезімдерге көмілгем,
Табиғаттың құшағына енгенде.
Бақыт емес, жолықтым-ау сорыммен,
Ең алғашқы махаббатым семгенде.
Жан сезімнен мұңға толы күй өріп,
Тербетеді арманымның даласын.
Тұрмын жалғыз аққайыңға сүйеніп,
Көз алдымда ары қарап барасың...



Мамыр 1999 жыл




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу