Өлеңдер ✍️

Боз торғай шырылынан,
Боз дала оянады.
Жер беті ұлы думан,
Бастайды баяғы әнді.
Құмырсқа шығып үйден,
Құм тірлік басталады.
Тағы сол күнде күйбең,
Жанардан жас тамады.
Қарғаның даусын естіп,
Бұлбұл құс ұялады.
Сауысқан сақ басқаннан,
Бүркіттен сый алады.
Сұңқардың бағын сынап,
Бақалар бақырады.
Өсекші қалың құлақ,
Құтыңды қашырады.
Осының бәрін көріп,
Ұялып күн батады.
Тұнжырап ойға төніп,
Мазасыз түн жатады.
Басқаша жол салатын,
Қолданар бар ма күш, ем.
Сауапты іс мол болатын,
Шуақты таңды күтем.