Өлеңдер ✍️

Тарамыс сайлар, сүрлеулер ескі,
шатқалдар,
Бізді ойлап терең ауыр ойларға
батпаңдар!
Құлжалы таулар, текелі шыңдар,
асқарлар,
Біз сағынғанда жас төгіңдерші,
аспандар?..
Құздарға шөккен – шудалы,
өркеш бұлттарым,
Жалғанның мынау: балы мен
у-ын ұрттадым.
Сеңгірге сіңген – санаулы
қыран құстарым,
Арманым ұшты, адасып қалдым,
ұшпадым...
Тау баласы едім, отырар шашты тарап Ай,
Сол Айым бүгін, қорғалап қалды қарамай?!
Ұлар жастығым, ғұмірден үркіп дүр етіп,
Диуанадай көшіп, дәуренім өтіп
барады-ай!..