Өлеңдер ✍️

Ай тұяқты, жал-құйрығым тебінде,
Сүр соқпақта қойторымен бүлк еттім.
Айға ұмтыла аласұрған көңілге,
Қарлығаштың қанатымен су септім.
Тартпа айылым босап қапты, көңілшек,
Талай асау шап айылға тулаған.
Шау тартты ма, жабы – көңіл еріншек,
Құнан – жылдар қайда үйірге сыймаған.
Құйысқан мен өмілдірік тежеген,
Арғымақ – жыл, көнбіс бүгін ноқталы?!
Үркек – уақыт, құрық тимес тебеген,
Жыға-жыға жасқаншақ қып тастады...