Өлеңдер ✍️

Айналайын ала атым,
Айлық жолды алатын.
Атам айтар аңыздай
Айтшы, бар ма қанатың?
Құлыныңда көрген ем,
Кезіңде де көнбеген
сылап-сипап үйретіп,
Қолымнан жем берген ем.
Тұрған жерің – Белтерек,
Барсам күнде ертелеп
Қуанғандай боласың
Мойның салып еркелеп.
Бес жас болса да арамыз,
Ұғысып тіл табамыз.
Өйткені ғой бəйгеге
Ылғи бірге шабамыз.
Шыр айналып даламыз,
Жұлдыз болып ағамыз.
Көз аудармай қарайды
Көрші үйдегі қара қыз.
Мақтауды да бірге естіп,
Сыйды бірге аламыз