Өлеңдер ✍️

Оянып ем, түн ішінде жап-жарық
тұр ма дедім көкірегімде шам жанып.
Сен бар ғой деп сипап едім, қасымда
жоқ екенсің, қалдым босқа алданып.
Сүйдім деген бір сөзіңе малданып,
жас болдым ба, мас болдым ба алданып.
Түн ішінде төңірегімді сипалап,
іздей бердім, іздей бердім қарманып.
Іздей бердім, іздей бердім қарманып,
Тұр далада жапалақ-жапалақ қар жауып.
Себелеген ақ нұр болып көрінді ол
жақсылыққа балай бердім таңданып.
Тəтті ұйқыдан таңда аялап тербетіп
Жүректердің сезім күйін селдетіп
оятады, көшкен елдің жұртында
жапа-жалғыз қалғандаймын сен кетіп.