file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

  Өлеңдер ✍️

  28.08.2022
  130


Автор: Есләм Зікібаев

Кімге керек толғаның, бүрлегенің...

Кімге керек толғаның, бүрлегенің,
Кімге керек солғаның, гүлдегенің...
Он төртіңде толысқан айдай болып
Оянсаң ғой қасымнан күнде менің.
Зəмземін де тататын сұрап ұрттап,
Бірде толып қу көңіл, бір арықтап,
Палатада жатырмын ой қамалап
Жыр қайнарым сен кетіп, суалып қап.
Ұйқысынан оятып бал денені,
Еске салып қинардай əлденені.
Сырымды ұдай тербетіп бұрынғыдай
Тебірентпейді əлдилеп əн де мені.
Тебірентпейді əлдилеп əн де мені –
Бəрі алдамшы тірліктің бар дегені.
Арманымдай алыстан қылаң беріп,
Алау шашып арайлап таң келеді.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу