Өлеңдер ✍️

Арыс өтті дүниеден,
Анасы бар –
Арман-ай,
Қу тірліктің қаттысы,
Сұм тағдырдың жалғаны-ай.
Қамшы сабы секілді –
Қысқа ғана ғұмырда
Ғазиз жанның аңырап,
Қара киіп қалғаны-ай!
Осылай ма ең, о жалған,
Алдамшы өмір мекені,
Біреу ерте өзіңнен,
Біреулер кеш кетеді.
Оған, сірə, ешкімнің
Таласы жоқ
Десек те...
Тек перзентін Анадан
Кейін алсаң не етеді.
Діңгегінде дірілдеп,
Шыр айналған жер шары,
Мекендеген сол Жерді
Біреулердің дер шағы.
Асыл ойлы Ақынды,
Азаматты алғанша
Əкетпей ме сұм тағдыр
Зұлымдарды келсе əлі...