Өлеңдер ✍️

Іздей берсе жетіп жатыр менде мін
Сыр айтам деп шынын айтар пендемін,
Жеңгелеріңнің арқасы, жігіттер,
Осы жасқа бозбала боп келгенім
Күлесіңдер!
Керек шығар күлу де,
Мұндай жағдай бір-ақ рет ілуде
Кезігетін болар, бəлкім, таласпан,
Қасиет сол барды да айта білуде!
Бəлкім, менің бағыма
Кездейсоқтық шығар бұл бір кезіккен,
Бірақ оны алдын ала сезіп пе ем.
Сұрадыңдар –
Жасырайын несіне,
Кей қылығым түссе бүгін есіме
Кінəлəймін өзімді-өзім өлердей,
Сүйген жүрек біледі екен кешіре.