Өлеңдер ✍️

Біреулер өсіп,
Біреулер кішіріп жүр ғой,
Біреуді біреу сүйрелеп кісі ғып жүр ғой.
Өкініштісі – сондайлар өмірдің мəнін
Былайғы жұрттан басқарақ түсініп жүр ғой.
Былайғы жұрттан басқарақ түсініп жүр ғой,
Құдайға қолы жеткендей ісініп жүр ғой.
Достық деген қасиетті ұғымның дағы
Туын жерге жыққандай түсіріп жүр ғой.
Тоғышарлардың кеудесін кейде үріп желік
Мықтының өзін кеттім-ау дейді ұрып жеңіп.
Шоқ түскен жандай ішіне шыжбалақтайды
Былайғы жұрттың ерлігін, елдігін көріп.