Өлеңдер ✍️

Мінезім де, ісім де көзге қанық,
Жетпегендей осында өзге халық,
Мені несін қасыңа шақырасың –
Алабөтен қайтесің сөзге қалып.
Айту – парыз!
Құтылдың парызыңнан,
Жолдастықтың, достықтың қарызынан.
Ер болып көріну де ел көзіне
Əйел тұрмақ, еркекке тəлімі заң.
Өкпем де жоқ,
Өкпе айтар кімің ем мен,
Мендейлердің алдыңа мыңы келген.
Қайдан жетсін құдіретің көтеруге
Бəр-бəрінің көңілін күңіренген.
Жетпейді,
Сен де адамсың, расында
Хақың бар алда тағы қыр асуға.
Мен үшін беделіңе дақ түсірме,
Құлашың жетпес жерге құлаш ұрма!