Өлеңдер ✍️

Үзілтіп, сызылтып бір əн салғаның,
Менің саған телміріп-тамсанғаным
Бақыт екен іздесем таптырмайтын –
əн сал, жаным, төгілтіп əн сал, жаным.
Əн сал сен, үзбе əніңді, əн сал, жаным,
Жаныңның əнге көміп бар салмағын.
Ұнап отыр телміріп-тамсанғаным,
Əн тербеген ақ таңды қарсы алғаным.
Əн сал, жаным, алысың, жуығың да...
Ұласып жүрегімнің мұңы мұңға,
Қалғып кеткен қалпында тұғырында,
Ұмытқайсың ыстығын, суығын да,
Шайқалмай тұрсын таза-тұнығымда.