Өлеңдер ✍️

Даурыққыштар, даурыққыштар даурығып,
Басымызға қара қанды жаудырып,
Басымызға қара қанды жаудырып,
Досты досқа айдап салды жау қылып.
Даурыққыштар, даурыққыштар даурығып,
Көп аңсарын басқа арнаға аудырып,
Оңтайына келген тұста тартынбай,
Көрсетеді төбешігін тау қылып.
Көкірегіне орнай қалса таршылық,
(Өмірде иə, ондай сəт те баршылық)
Біреулердің ұлан-асыр теңізін
Көп көзіне көрсетеді тамшы ғып.
Жалпақ елге жақсын, мейлі, жақпасын...
Əділеттің қағып келем қақпасын,
Көре тұрып, біле тұрып: «Барды – жоқ,
жоқты – бар!» – деп көлгірсуден сақтасын